Тэрээр ажиллах явцдаа ‘эмэгтэй хүн байж эрэгтэйчүүдээс бүрдсэн багийг удирдаж чадахгүй’ гэж хэлж байсан хүмүүстэй таарч байсан.” хэмээжээ.
Грэм мөн ажлын орчинд яг адилхан зан гаргаж буй эрэгтэй, эмэгтэй хүмүүсийн хандлагыг өөр өөрөөр тайлбарладаг гэсэн байна.
“Хэдэн сарын өмнө би нэг хүнтэй хамт ажиллаж байхад намайг хэт сэтгэл хөдлөлтэй гэж хэлсэн.” хэмээн тэр дурсжээ. “Намайг "захирангуй" гэж хэлдэг. Бас ямар нэг зүйл батлах гэж хэт чармайж байна гэдэг. Харин би эрэгтэй байсан бол намайг "өөртөө итгэлтэй, байр сууриа тодорхой илэрхийлдэг’"гэж хэлэх байсан гэдгийг мэдэж байна.” гэж ярьсан байна.
Эрэгтэйчүүд давамгайлсан салбарт ажилласан туршлага нь өөртөө итгэлтэй байж, бэрхшээлийг давах сэтгэлийн тэнхээтэй байх ямар чухлыг түүнд ойлгуулсан гэнэ. “Хат сууж, юманд амархан эмзэглэхгүй байх хэрэгтэй гэж би хэлнэ. Үнэндээ бид ийм зүйлтэй тулгарах ёсгүй. Гэхдээ эмэгтэйчүүд бид өөрсдийгөө хэн гэдгээ мэднэ. Энэ ажлыг сайн хийж чадна гэдгээ ч мэднэ.” гэж мөн хэлжээ.
“Ажлаас гадуур хүмүүст барилгын салбарт ажилладаг гэдгээ хэлэхэд итгэхгүй байх тохиолдол гардаг. Өмнө нь бүр зургаа үзүүлж байж үнэмшүүлж байсан. Хүмүүс намайг юу хийдэг вэ гэж асуугаад хариултыг маань сонсохоороо бүр алмайрчихдаг, итгэдэггүй" гэж тэр ярьсан байна.
Гэхдээ Грэм гадаад төрх болон хүйсээсээ шалтгаалсан бэрхшээлтэй тулгарсан ч хамтран ажиллаж байсан эрчүүдийн тун цөөн нь ийм хандлага гаргасан гэдгийг онцолжээ.
“Манай багийн болон энэ салбарт таарч байсан хүмүүсийн 90 хувь нь үнэхээр мундаг. Би тэдэнтэй маш сайн ойлголцдог. Мөн би ажлаа ямар ч эрэгтэй хүнтэй адилхан сайн хийж чаддаг гэдгээ мэднэ.” гэж тэр хэлсэн байна.
Буруугаар ойлгож болохгүй. Миний карьерт олон эрэгтэй хүн үнэхээр их тусалсан. Гэхдээ заримдаа саадыг давж гарахын тулд тэмцэх шаардлагатай болдог бөгөөд хүмүүс хангалттай сайн гэж хүлээж авахгүй тохиолдол байдаг талаар Грэм ярьсан байна.
Грэм 17 настайдаа барилгын салбарт ажиллаж эхэлжээ. Тэрээр эхлээд орон сууцны компанид захиргааны ажилтнаар орж, дараа нь ажил, сургалтыг хослуулан дээд боловсролын зэрэг олгодог дадлагажих хөтөлбөр төгсжээ.
Үүний дараа тэр төслийн менежментийн мэргэшлийн үнэмлэх болон бусад нэмэлт мэргэжлийн сертификат, ур чадварын гэрчилгээ авсан байна.
Одоо Грэм салбартаа цааш ахиж, жил хагасын дотор төслийн ахлах менежер болох зорилготой аж. Харин урт хугацаандаа үйл ажиллагаа хариуцсан захирлын албан тушаалд хүрэхийг хүсдэг гэнэ. “Зорилгодоо хүрнэ гэдгээ би мэдэж байна. Намайг зогсоох зүйл байхгүй.” гэж тэр хэлжээ.
Грэм мөн барилгын салбарыг сонирхож буй бусад залуу бүсгүйчүүдэд энэ салбарт байдаг олон төрлийн мэргэжил, ажлын чиглэлийг сайтар судалж үзэхийг зөвлөсөн байна. “Сургуулиа төгсөж байгаа охидод би дадлагажих хөтөлбөрийг маш их зөвлөнө. Учир нь ажлын байран дээр шууд хийж сурахаас илүү сайн сургалт гэж бараг байхгүй.” гэжээ.
Сэтгэгдэл (0)
Сэтгэгдэл бичигдээгүй байна