Глобал удирдагч их сургууль нийгмийн эрүүл мэнд, эмч, шаталсан сувилагчдыг бакалаврын түвшинд бэлтгэдэг. Тус их сургууль дэргэдээ эмнэлэгтэй бөгөөд байгуулагдаад таван сар болж байна. Энэ хугацаанд эмнэлгээ тохижуулах ажлыг хийж ирсэн бол энэ сарын 21-нд БНСУ-ын Сөүл хотын Ганнам дүүрэгт байдаг Лантэ эмэгтэйчүүдийн эмнэлэгтэй хамтарч ажиллах санамж бичигт гарын үсэг зурлаа.
“Ингэснээр Глобал удирдагч их сургуулийн дэргэдэх эмнэлэг нь эмэгтэйчүүдийн эрүүл мэндийн бүх төрлийн тусламж үйлчилгээний чиглэлээр БНСУ-ын Лантэ эмнэлэгтэй хамтран ажиллах, эмч нараа сургаж дадлагажуулах, эрдэм шинжилгээний ажил хийх боломж нээгдэж байна. Лантэ эмнэлэг нь БНСУ-ын Ча (CHA) групп буюу эх барих, эмэгтэйчүүд, үргүйдэл, нөхөн үржихүй болон хавдрын чиглэлээр дэлхийд алдартай эмнэлэгийн салбар эмнэлэг юм. Тэгэхээр бид Ча эмнэлэгтэй ч мөн хамтарч ажиллах боломж нээгдэж байна” хэмээн Глобал удирдагч их сургуулийн дэргэдэх эмнэлгийн захирал, клиникийн профессор С.Батчимэг ярьж байна.
Мөн үеэр Глобал удирдагч их сургуулийн дэргэдэх эмнэлэг “Эрүүл ирээдүй-эрүүл иргэн” нээлттэй өдөрлөг зохион байгуулж, анагаах ухааны магистр, клиникийн профессор мэргэжлийн эмч нар иргэдийг үнэгүй үзлэг, оношилгоонд хамруулж, эрүүл мэндийн зөвлөгөө өглөө.
Дотор, мэдрэл уламжлалт, эмэгтэйчүүдийн эмчийн үзлэгт хамрагдсан иргэд “өмнө нь илэрч байгаагүй өвчний үүсвэр байгааг эрт мэдэж авлаа”, “тодорхойгүй явсан зовиур юунаас болж байгааг оношлуулсандаа баяртай байна” хэмээн ярьж байна.
Иргэд Глобал удирдагч их сургуулийн дэргэдэх эмнэлэгээр үйлчлүүлэхэд нээлттэй бөгөөд тус эмнэлгийн цахим хуудас, Gluh.mn вэбсайт, 70131662, 95081662 утас руу хандан цаг захиалж үйлчлүүлэх боломжтой юм.
Сэтгэгдэл (0)
Сэтгэгдэл бичигдээгүй байна