Өмнөд Солонгосыг цочирдуулсан аймшигт аллагын эзэн 24 настай Жүн Ёо Жүн хэмээх бүсгүйд Бусан хотын шүүх бүх насаар нь хорих ял оноолоо.
2023 оны тавдугаар сард Жүн гэртээ гэрийн багш дуудан авчраад хөнөөж, цогцсыг нь мөчлөөд чемоданд хийн ойролцоохь гол руу хаяжээ.
Нэгэн эмэгтэй цустай чемодан гол руу хаяж буйг таксины жолооч санаандгүйгээр харж, цагдаад мэдэгдснээр энэ хэрэг илэрсэн байна.
Жүн яагаад ийм хэрэг хийснээ тайлбарлахдаа “Сониуч зандаа хөтлөгдсөн” гэж тайлбарлажээ. Түүнийг баривчилж, цагдан хорьсноос хойш 60 орчим гэмшсэн захидал шүүх, цагдаад бичиж өгсөн ч авч хэлэлцэлгүй, бүх насаар нь хорих ял оноолоо.
Харин яагаад цаазын ял оноогоогүйг нь шүүгчээс сэтгүүлчид асуухад “Маш хүнд хэцүү хүүхэд насыг туулж өнгөрүүлсэн болохоор нь энэ гэмт хэрэгт түүнийг бүрэн буруутгах хэцүү юм. Харин нийгмээс бүрэн тусгаарлаж, дахин гэмт хэрэг үйлдэхээс сэрэмжилж, бүх насаараа хийсэн хэрэгтээ гэмшиж явах ялыг оноох нь зөв гэж үзлээ” хэмээн шүүгч тайлбарлажээ.
Жүнийг сэтгэцийн хувьд цоо эрүүл биш, гаж донтны шинж илт байгаа тул цаазаар аваачих нь зөв гэж олон нийт үзэж байжээ.
Сэтгэгдэл (0)
Сэтгэгдэл бичигдээгүй байна