Хууль бусаар хөрөнгөжсөн төрийн албан хаагчдын хууль бусаар олсон хөрөнгийг хураах тухай нийтийн өргөдлийг иргэн Б.Болдбаатар санаачилжээ.
Тус өргөдөлд одоогийн байдлаар 46600 гаруй хүн дэмжиж, гарын үсэг зураад байна. Өргөдөлд гарын үсэг зурах хугацаанд 3 өдөр үлдээд байгаа бөгөөд 100 мянган хүн дэмжсэн тохиолдолд УИХ-аар хэлэлцэх юм.
Өргөдөлд "Төрөөс төрсөн тэрбумтан авилгалч төрийн албан хаагчдын хууль бусаар олсон хөрөнгийг хурааж улсыг хохиролгүй болгох, ийм төрлийн гэмт хэрэг дахин давтагдахаас урьдчилан сэргийлэх зорилготой. Өнөөгийн Монгол улсын төрд үнэнчээр зүтгэх хүн алга болж зөвхөн өөрсдийн амин хувийн эрх ашгийг хангахын тулд давуу байдлаа урвуулан ашиглаж бусдад давуу байдал олгож оронд нь мөнгө эд хөрөнгө хахууль болгон авдаг байдал төрийн бүх шатанд даамжирч иргэдийн бухимдлыг асар ихээр төрүүлэх боллоо. Авилга албан тушаалын хэрэгт холбогдогч нь 40 сая төгрөгөөр торгуулж өнгөрдөг нь асуудлыг улам дэвэргэж байгаа тул бүх хөрөнгийг нь хурааж бүх насаар нь хорьдог болгохыг хүсэж өргөдөл гаргав" гэсэн байна.
Сэтгэгдэл (0)
Сэтгэгдэл бичигдээгүй байна