УИХ-ын гишүүн Б.Энх-Амгалан, Ерөнхийлөгчийн Тамгын газрын дарга асан З.Энхболд нарт холбогдох хэргийг Сүхбаатар дүүргийн Эрүүгийн хэргийн анхан шатны шүүх 2024 оны 3 дугаар сарын 7-ны өдрөөс эхлэн хэлэлцсэн.
Шүүх хуралдаан дөрвөн өдөр үргэлжилсний эцэст өнөөдөр шүүх бүрэлдэхүүн Б.Энх-Амгалан, З.Энхболд нарыг Эрүүгийн хуулийн 22.1 дүгээр зүйлийн 3 дахь хэсэгт заасан улс төрд нөлөө бүхий этгээд эрх мэдэл, албан тушаалын байдлаа урвуулан ашигласан гэмт хэрэг үйлдсэн гэм буруутайд тооцож, тус бүр нийтийн албанд томилогдох эрхийг 5 жилийн хугацаагаар хасаж, 40 сая төгрөгөөр торгох ял оногдуулжээ. Прокурорын зүгээс Б.Энх-Амгалан, З.Энхболд нарт тус бүр нийтийн албанд томилогдох эрхийг 5 жил хасаж, 2 жил хорих ял оногдуулах санал гаргасан ч шүүх хорилгүй, торгож шийдсэн байна.
Харин З.Энхболд сонгуульд өрсөлдүүлэхгүйн тулд ял өглөө, би гэм буруугүй, шүүхийн шийдвэрийг хүлээн зөвшөөрөхгүй, давж заалдах шатны шүүхэд гомдол гаргана гэж мэдэгджээ.
Сэтгэгдэл (0)
Сэтгэгдэл бичигдээгүй байна