Орон сууцны залиланд өртөж хохирсон иргэдийн төлөөллийг Хууль зүй, дотоод хэргийн сайд С.Амарсайхан өчигдөр /2026.08.21/ хүлээн авч уулзжээ.
Уулзалтын эхэнд С.Амарсайхан сайд орон сууцны залиланд өртөж, хохирсон иргэдийн асуудлыг шалгах Ажлын хэсгийн явц болон үр дүнгийн талаар танилцуулж, иргэдийн санал, хүсэлтийг сонссон байна.
Орон сууцны залиланд өртсөн иргэдийн төлөөллийн хувьд дэд Ажлын хэсэгт орох хүсэлтэй байгаагаа илэрхийлж, Хууль, шүүхийн байгууллагаас иргэдийг хохироосон бүх аж ахуйн нэгж, компанийн үйл ажиллагааг бүрэн шалгаж, хэн нэгний танил тал, албан тушаал, нөлөөллөөс үл хамааран хуулийн дагуу шударга, тэгш хариуцлага тооцох, Барилгын ажил тодорхой хэмжээнд явагдсан боловч хөрөнгө, санхүүжилтийн шалтгаанаар зогсонги байдалд орсон төслүүдэд шаардлагатай дэмжлэг үзүүлж, барилгыг ашиглалтад оруулах, Шүүхийн шийдвэр гүйцэтгэх ажиллагааг шуурхай, үр дүнтэй зохион байгуулах, Хохирсон иргэдийн эрх ашгийг хамгаалж, учирсан хохирлыг аль болох богино хугацаанд шийдвэрлэн барагдуулж өгөхийг хүсжээ.
Энэ үеэр Цагдаагийн ерөнхий газар, Шүүхийн шийдвэр гүйцэтгэх ерөнхий газар, Улсын бүртгэлийн ерөнхий газраас хохирсон иргэдийн асуултад хариулж, холбогдох мэдээллийг өгсөн байна.
Сэтгэгдэл (0)
Сэтгэгдэл бичигдээгүй байна