Өнөө шөнө “Манчестер Сити” талбайдаа “Арсенал”-ыг хүлээн авах болно. Энэ бол Английн Премьер лигийн энэ улирлыг аваргын шийдэх чухал тоглолтуудын нэг юм. “Арсенал” лигийг тэргүүлж, “Манчестер Сити” нэг оноо дутуу яваа.
Хоёр багийг холбох нэг том шижим бол “Арсенал”-ын дасгалжуулагч Микел Артета 2019 оны 12 дугаар сараас эхлэн “Манчестер Сити”-д Гвардиолагийн туслахаар гурван жилийн турш ажилласан. Харин сүүлийн хоёр жил тэд Премьер лигийн аваргын төлөө өрсөлдөгчид болоод байгаа билээ. Энэхүү тоглолтын өмнө Микел Артета ийн өгүүлжээ.
“”Түүнийг биширдэг, хүндэлдэг сэтгэл минь энэ хугацаанд огт өөрчлөгдөөгүй. Миний бодлоор бол Гвардиола Дэлхийн шилдэг дасгалжуулагч. Бусад дасгалжуулагчдаасаа хол илүү. Мөн хөлбөмбөгийн ертөнцөд тааралдсан хамгийн эелдэг хүн.
Түүнтэй хамт ажиллахад хөгжилтэй, инээдтэй байдаг. Тэр чигээрээ л үлдэх болно. Харин түүний багийн хэмжээнд хүрэхийн тулд бид маш том алхах хэрэгтэй. Сүүлийн улирлуудад энэ том алхмыг л хийх гэж хичээж явна. Магадгүй хоёр багийн хоорондын зөрүү багасч, ойртсон байж болно. Одоо тэгвэл нэгмөсөн зуузай холбож, бүр гүйцэж түрүүлэхийг, тэднээс илүү болохыг хичээх ёстой” хэмээн Артета өгүүлжээ.
Сэтгэгдэл (0)
Сэтгэгдэл бичигдээгүй байна