TheMongolz "PGL Major Copenhagen"-д оролцох эрхээ авлаа

CS2-ын дэлхийн аварга шалгаруулах тэмцээний Азийн урьдчилсан шат үргэлжилж байна

• Монголын TheMongolz баг Хятадын Lynn Vision багийг хожиж major-ын эрхээ авлаа

CS2-ын дэлхийн аварга шалгаруулах тэмцээн гэж болохуйц "PGL Major Copenhagen 2024"-ын эрхийн төлөөх Ази тивийн урьдчилсан шатны тэмцээн "Asia-Pacific RMR" Хятадын Шанхай хотод үргэлжилж байна.

Тэмцээний сүүлийн өдөр Монголын TheMongolz баг major-т оролцох эхний эрхийн төлөө Хятадын "Lynn Vision" багтай тоглож 2-0 (Ancient 13-8, Nuke 13-3) харьцаагаар хожлоо.

TheMongolz эхний шатанд хоёр монгол тоглогчтой Myth Avenue багийг Ancient 13-4, Дээд хүснэгтийн хагас шигшээд монгол дасгалжуулагчтай, Австралийн Grayhound Gaming багийг Ancient 13-4 харьцаагаар тус тус хожоод байсан юм.

• ATOX Esports Хятадын TYLOO-г 2-1 харьцаагаар хожлоо
• TheMongolz Австралийн багийг хожиж дээд хүснэгтийн финалд шалгарлаа
• Дэлхийн аваргын урьдчилсан шатны тоглолт энэ сарын 26-д эхэлнэ

CSGO-өөс CS2-руу шилжсэнээс хойших анхны major Данид болохоор товлогдсон бөгөөд bLitz, Techno4K тэргүүтэй монгол залуус CS2-ын анхны major-той sticker-тэй болохоор боллоо. Энэ бол TheMongolz багийн хоёр дахь, bLitz, Techno4K нарын дөрөв дэх, 910, mzinho, Senzu нарын анхны sticker юм.

Asia-Pacific RMR-т Ази, Номхон далайн шилдэг 8 баг оролцсон ба үүнд Монголын "TheMongolz", "ATOX Esports" багууд болон монгол тоглогчтой "Myth Avenue", монгол дасгалжуулагчтай Австралийн "Grayhound Gaming" багууд багтаж байна.

1,250,000 ам.долларын шагналын сантай "PGL Major Copenhagen 2024" гуравдугаар сарын 17-31-ний хооронд Данийн нийслэлд болно. Тус тэмцээнд Ази тивээс хоёр баг оролцох боломжтой.