Гуравдугаар байрын төлөөх тоглолт олон гоолтой болдог болдог гэхэд энэ удаад арай хэтрүүлчихсэн үү? 4:6!!
Теннисийн тоогоор дууссан энэ тоглолтод Уимблдон Ролан Гарросыг хожлоо гэвэл илүү ончтой ч юм уу.
Букайо Сака хет-трик хийлээ. Гурав дахь гоолоо пенальтиас орууллаа. Хет-трик хий гээд Бэллингэм түүнд бөмбөг атгуулсан юм.
Бэллингэмийг хоёрдугаар үеийн төгсгөлд талбайд гаргаагүй бол 5 болон 6 дахь гоол орохгүй ч байсан байж мэднэ.
Бэллингэм өөрийн гоолоо бол насаараа яваад ижил дасчихсан өрөөнүүдээрээ нүдээ аниад алхаж яваа юм шиг л тайван бардам хийнэ лээ.
Францаас Килиан Мбаппэ дубль хийж, энэ ДАШТ-д 10 гоолтой болов. Месси 8 гоолтой байгаа. Финалд Месси 2-ийг хийж байж гүйцэх боломжтой.
Мбаппэгийн хувьд ДАШТ-ий 22 тоглолтод 22 гоолтойгоор Бүх цаг үеийн Шилдэг мэргэн буучийн тэргүүн эгнээнд бичигдэж байна. Месси ДАШТ-ий 33 тоглолтод 21 гоол оруулаад байгаа юм.
Майкл Олисе энэ тоглолтод 2 гоолын дамжуулалт өгснөөр домогт Пелегийн нэг ДАШТ-д хамгийн олон гоолын дамжуулалт өгсөн дээд амжилтыг давж, 7 болголоо.
Гэлээ ч ДАШТ-ий турш гоолын сайхан боломжуудыг "угаасан" чигээрээ дуусав.
Английн шигшээ 1966 онд Дэлхийн аварга болсноос хойшх хамгийн том амжилтдаа хүрч, хүрэл медаль зүүлээ. Томас Тухель энэ ялалтаараа дараагийн Евро-д Гурван арсланг удирдах эрхээ баталгаажуулсан биз ээ.
Харин Дидье Дешамын хувьд 2018 онд Дэлхийн аварга, 2022 онд мөнгөн медальд багаа хүргэсэн бол сүүлчийн ДАШТ-дээ медальгүй хоцорлоо.
Сэтгэгдэл (0)
Сэтгэгдэл бичигдээгүй байна