Олимпын аварга, АНУ-ын уран гулгагч Алиса Лью инстаграмд 8 сая дагагчтай болжээ. Аз жаргалтай, энгийн байдлаараа олны хайрыг татаж буй Олимпын аварга бүсгүйг дагагчид улам олширсоор байгаа юм.
Алиса Лью 2026 оны гуравдугаар сарын 19-нд Alameda Police Department-ийн алба хаагчтай хийсэн энгийн дотно уулзалтынхаа дараа цахимд олны анхаарлыг улам их татжээ.
Цагдаагийн байгууллага инстаграм хуудсандаа Олимпын аварга Алиса Лью болон офицер Квок нарын хамтдаа инээмсэглэн селфи хийж буй зургийг нийтэлсэн байна. Тайлбарт нь энэ мөч офицерын хувьд “онцгой” байсан бөгөөд тэрбээр Льюг урам зориг өгдөг хүн гэж онцолсныг дурджээ.
Тухайлбал "Манай алба хаагчдын нэг саяхан өөрт нь дотно санагдах онцгой мөчийг мэдэрлээ. Дэлхий дахины хувьд Алиса Лью бол мөсөн дээрх гайхамшигтай үзүүлбэрээрээ үргэлж бишрүүлдэг алтан медальт уран гулгагч. Харин манай нэг офицерын хувьд тэр бараг л гэр бүлийн гишүүн нь юм. Офицер Квок нь Aлисагийн хамгийн сайн найзуудын нэгийнх нь аав бөгөөд түүний амжилтаар маш их бахархдаг. Тиймээс Алиса охинтой нь хамт түүний хариуцсан бүсэд амттан идэхээр зогсох үед тэр өөрийн биеэр очиж, баяр хүргэх боломжийг алдалгүй ашиглажээ.
Баяр хүргэе, Алиса. Нутгийнхаа нэрийг дэлхийд гаргаж, үргэлжлүүлэн бахархуулаарай" гэсэн байна.
Дээрх зурагт Олимпын аварга бүсгүй энгийн хувцастай, эелдэг, тайван харагдаж байжээ.
Шүтэн бишрэгчид нь сэтгэгдэл хэсэгт “Их даруухан хүн юм”, “Ийм харилцааг харахад сайхан байна", "Bay Area Льюагаар бахархаж байна" гэх мэтээр магтсан байна.
Энэ удаагийн энгийн, дулаахан зураг нь түүнд олон нийт ямар их хайртай, ойр дотно дүр төрхтэйг дахин баталж, нутгийн баатар гэсэн статусыг нь улам бэхжүүлсэн гэж хэвлэлүүд бичиж байгаа юм.
Сэтгэгдэл (0)
Сэтгэгдэл бичигдээгүй байна