Их Британийн Spice Girls-ийнхон хамтлагчийн гишүүн Викториа Бекхэмийн төрсөн өдрийн үдэшлэгт бүгдээрээ очиж, нэгэн оройг ам, аньсага хуурайгүй өнгөрүүлжээ.
Мел Б, Мел С, Эмма Бантон, Жери Хорнер нар Лондон хотын Освальд хувийн клубт товлогдсон Викториагийн төрсөн өдөрт бүгд морилон очсон байна. Нөхөр Кристиан Хорнер нь сүүлийн үед шар хэвлэлээр нүдүүлж байгаа ч гэлээ Жери хамтлагийнхнаасаа хамгийн сүүлд 250 мянган ам.долларын үнэтэй дарс барьсаар клуб руу яаран оржээ.
Тэднээс гадна Том Круз, Гай Ричи, Сальма Хайек, Эва Лонгориа, Жэйсон Стэтхэм зэрэг олон алдартан цугласан байна. Гэр бүлийнхээ төлөө маш ихийг хийдэг эхнэрийнхээ 50 насны ойг нижгэр тэмдэглэхийн тулд Дэвид Бекхэм ихээхэн хэмжээний мөнгө зарлагадаж буйг ч хэвлэлийнхэн онцолжээ.
Круз, Брүклин, Ромео, Севен Харпер нар буюу хүүхдүүд нь ч үдэшлэгт дэгжин хувцаслан очиж, ээждээ баяр хүргэжээ. Викториа Бекхэмийн хөлний гэмтэл бүрэн эдгээгүй байгаа тул үдэшлэгт суга таягтай очсон байна.
“Бид түүний амьдралын нэг хэсэг болсон хүмүүс учраас очихгүй байж яаж чадах билээ. Бид хамтдаа маш ихийг туулсан хүмүүс. Викториа ч биднийг ирсэнд маш их баяртай байгаа” хэмээн Жери Хорнер ярьжээ.
Сэтгэгдэл (0)
Сэтгэгдэл бичигдээгүй байна