АРИАНА ГРАНДЕ ГОЛ ДҮРИЙГ БҮТЭЭСЭН WICKED КИНОНЫ ТУХАЙ СОНИРХОЛТОЙ БАРИМТУУД

2024 оны Wicked киноны тухай мэргэжлийн мэдээлэл ба сонирхолтой баримтуудыг танилцуулж байна. 

2024 оны хамгийн их хүлээлттэй байсан Wicked кино нь дэлхий дахинд шуугиан тарьж, үзэгчид болон кино шүүмжлэгчдээс өндөр үнэлгээ аваад байна. 

Бродвейн алдартай мюзиклийг том дэлгэц дээр гайхалтай амилуулж, түүхэн дэх хамгийн шилдэг мюзикл кинонуудын нэгээр тодорч буй уг бүтээлд Ариана Гранде (Глинда) болон Синтия Эриво (Элфаба) нар гол дүрийг бүтээсэн юм.

Шүүмжлэгчдийн үнэлгээ:

Умард Америкт болсон урьдчилсан үзүүлбэрийн дараа кино шүүмжлэгчид нийгмийн сүлжээгээр дараах сэтгэгдлүүдийг илэрхийлжээ.
• “Энэ оны хамгийн шилдэг кино! Бродвейн мюзиклийг өргөн дэлгэцээр харуулсан шилдэг жишээ.” - (@ScottDMenzel)
• “Таны бодож байгаагаас илүү гайхалтай мюзикл кино. Ариана, Синтия нар таныг байлдан дагуулах болно.” - (@jazzt)
• “Түүхэн дэх хамгийн төгс мюзикл кино! Ариана, Синтия нарын төгс дуулал нь яг л диваажинд байгаа мэт санагдуулна. Дахиж үзмээр байна!” - (@DCfilmgirl)

Жүжигчид болон найруулгын талаар:

• “Ариана Гранде Глиндагийн дүрийг бүтээхээр төржээ! Синтия Эривогийн тэнгэр элчийн мэт дуу хоолой нь дараагийн ангийг хүлээхүйц бүтээл болжээ.” - (@ByClaytonDavis)
• “Том дэлгэцээр харуулж буй Озын үзэл баримтлал үнэхээр төгс бөгөөд гайхалтай.” - (@ShowbizSimon)
• “Найруулга нь гайхалтай байлаа. Заримдаа үнэхээр сэтгэл хөдөлгөж байсан. Дараагийн ангийг тэсэн ядан хүлээнэ.” - (@DrewTailored)
• “Жон Чү найруулагчийн бүтээсэн үзэл баримтлал, жинхэнэ гайхалтай үзүүлбэрүүд! Тэр үнэхээр суут. Кино ертөнцөд үлдэх ололт амжилт.” - (@christress)

Киноны онцлох элементүүд:

Тус кинонд компьютер графикийг хэт их ашиглахаас зайлсхийж, бодит тайз, декорацуудыг ашигласан нь үзэгчдэд илүү бодит мэдрэмжийг төрүүлсэн юм. Жишээ нь, Мунчкинландын байгаль орчныг харуулахын тулд 9 сая алтан зул цэцэг тарьж ургуулжээ. Элфаба болон Глиндаг Изумруд хот руу хүргэдэг 16 тонн жинтэй галт тэргийг ч жинхэнээр нь бүтээсэн байна.

Эдгээр хүчин зүйлүүд болон жүжигчдийн гайхалтай жүжиглэлт нь Wicked киног зөвхөн мюзикл фенүүд төдийгүй бүх төрлийн үзэгчдийг татах бүтээл болгожээ.

                                                                                                                  Б.БҮЖИН