Эль-Класикод дубль хийсэн польш довтлогч Роберт Левандовски тоглолтын дараагаар бичил ярилцлага өгчээ. “Реал Мадрид”-ыг талбайд нь 0:4-өөр “Барселона” хожсон билээ.
- Би хоёр гоол оруулсандаа мөн манай баг яаж тоглосонд сэтгэл дүүрэн, жаргалтай байна. Энэ ялалтыг бид тэмдэглэх ёстой. Манай баг үнэхээр сайн тоглолоо.
- Хоёр дахь гоолоо хийхэд Ханси Флик таныг даган дуурайж, бөмбөг мөргөж байгаа юм шиг хөдөлгөөний хийсэн...
- Флик арай өндөр үсрэх хэрэгтэй л дээ /инээв/.
- Өнгөрсөн улиралд та 14 гоол оруулсан. Энэ улиралд юу өөрчлөгдсөн бэ?
- Хамгийн гол нь манай багийн тоглолтод учир байгаа юм. Бид довтолгоонд илүү хүчтэй болж, олон гоол оруулж байна. Хөлбөмбөгч форм муутай байлаа ч гэсэн багийнхан нь үргэлж санаачлагатай байж, дэмжээд явчихдаг тал бий.
- “Барселона” Аваргуудын лигийн аваргын өрсөлдөөнд оролцох болов уу?
- Одоо би цомын тухай яримааргүй байна. Алхам алхмаар урагшлах нь чухал. “Бернабеу”-д хожно гэдэг бол том алхам. Гэхдээ бидэнд хийх ажил их байгаа. Одоогоор өргөсөн цомгүй л байгаа шүү дээ. Фликийн удирдлага дор хөлбөмбөгч бүр өөрт нь итгэж буйг мэдэрч, чөлөөтэй сайхан тоглох боллоо. Бид нэг нэгнээ үггүйгээр ойлгох хэмжээнд хүрч байна. Ямар багийн эсрэг тоглож буйгаас үл шалтгаалан үргэлж илүү олон гоол хийхийг хүсэх болсон.
Сэтгэгдэл (0)
Сэтгэгдэл бичигдээгүй байна