Олон улсын математикийн 65 дугаар олимпиадаас монгол сурагчид 1 алт, 2 мөнгө, 3 хүрэл медаль хүртсэн сайхан амжилт үзүүллээ.
Сант сургуулийн 12г ангийн сурагч Дэлгэрдалайн Энэрэлт алтан медаль, Эрхэт-Эрдэм сургуулийн 10а ангийн сурагч Тамирын Билгүүнгэрэлт, 11-р сургуулийн 12в ангийн сурагч Одонбаатарын Тэнгис нар мөнгөн медаль, Сант сургуулийн 10в ангийн сурагч Сонорын Манлай, 11-р сургуулийн 11в ангийн сурагч Баярын Бэлгүтэй, 11-р сургуулийн 12б ангийн сурагч Хавалболотын Нурсолтан нар хүрэл медаль тус тус хүртжээ.
Манай улс 1964 оноос Олон улсын математикийн олимпиадад оролцож ирсэн бөгөөд энэ удаагийнхтай нийлээд монгол сурагчид нийт 8 алтан медаль авч байгаа юм. Дэлгэрдалайн Энэрэлт Олон улсын математикийн олимпиадаас хос алтан медаль хүртсэн Монгол Улсын хоёр дахь сурагч болж байгаа бөгөөд өнгөрсөн 2023 онд мөн алтан медаль авсан юм.
ИБУИНВУ-ын Батт хотод зохион байгуулагдсан Олон Улсын Математикийн 65-р олимпиадад манай баг нийт 142 оноогоор 16-р байрт орж, бахдам амжилт үзүүллээ.
Сэтгэгдэл (0)
Сэтгэгдэл бичигдээгүй байна