Гуравдугаар сарын 14 бол “Пи” тооны өдөр буюу математикт хайртай, сонирхолтой хүн бүрийн баярын өдөр. “Пи” тоо нь тойргийн уртыг диаметрт нь харьцуулсан иррациональ тогтмол тоо билээ. Пи тооны онцлог нь давтагдахгүй, хязгааргүй үргэлжилдэгт байдаг.
Физикч асан Ларри Шоу 1988 онд хамгийн анх “Пи” өдрийг тэмдэглэсэн нь өнөөг хүртэл уламжлал болж, 2009 оны гуравдугаар сарын 12-нд АНУ-ын Конгресс “Пи” өдрийг үндэсний баяр болгон зарлажээ.
Шинжлэх ухааны хаан гэгддэг математикийн олон улсын олимпиад /IMО/-аас манай сурагчид нийт 8 алтан медаль хүртсэний 6-г нь 2019 оноос хойш авсан бөгөөд манай хүүхдүүдийн амжилт сүүлийн жилүүдэд их өсөж байгаа.
Олон улсын математикийн олимпиадаас алтан медаль хүртсэн монгол сурагчид
1. Ө.Баттулга (1-р сургууль), 1997 (36 оноо)
2. Э.Төрбат (Монгол-Турк сургууль), 2012 (28 оноо)
3. М.Өнөболд (1-р сургууль), 2019 (32 оноо)
4. О.Мишээл (Шинэ Монгол сургууль), 2020 (36 оноо)
5. А.Нямдаваа (Сант сургууль) , 2021 (30 оноо)
6. М.Өнөболд (1-р сургууль) ,2021 (29оноо)
7. Д.Энэрэлт (Сант сургууль) 2023 (35 оноо)
8.Д.Энэрэлт (Сант сургууль) 2024 он (29 оноо)
Манай улс 1964 оноос Олон улсын математикийн олимпиадад оролцож ирсэн бөгөөд нийт 8 алт, 30 мөнгө, 76 хүрэл медаль хүртсэн байдаг. Эдгээр амжилтын цаана багш, сурагчдын нөр их хөдөлмөр байдаг юм.
Сэтгэгдэл (1)