Францын нийслэл Парис хотын дарга Анн Идальго Сена мөрөнд сэлж үзүүлжээ. Зүгээр ч нэг сэлсэнгүй, мөрний уснаас толгойгоо цухуйлгахгүй байхыг хичээсэн байна.
Анн Идальго энэ сэлэлтээ олон хүнд харуулахын тулд телевизүүдийг урин авчирсан байлаа. Гол санаа нь Парисын олимпын үеэр мөрөнд уралдан өрсөлдөх тамирчид цэвэр орчинд байх болно гэдгийг харуулах байв.
Яагаад ингэтлээ нотолгоо шаардсан бэ гэвэл Сена мөрний усыг их бактеритай, цэвэр бус гэж зарим хүмүүс хэл ам хийсэн байна. Гэвч хотын дарга тусгай мэргэжилтнүүд томилон ажиллуулсныхаа дараагаар ус цэвэр болсныг нотлохоор ийм алхам хийхэд хүрчээ.
“Бид усыг цэвэршүүлэх тал дээр маш шаргуу сайн ажилласан. Цэвэрхэн болохоор нь сэлж үзүүлнэ гэж мөрөөдсөндөө хүрлээ. Сэлэх чинь сайхан шүү дээ. Үүнийг бид Эх Дэлхийнхээ төлөө, ус мөрнийхөө төлөө хийлээ” хэмээн 65 настай Анн Идальго сэлснийхээ дараагаар баяртайяа мэдэгджээ. Сена мөрний усыг бүрэн цэвэрлэхийн тулд Францын төр засаг 1.4 тэрбум евро зарцуулсан гэж зарим хэвлэлүүд бичжээ.
Сена мөрөнд Олимпын наадмын триатлон, каноэ завь зэрэг спортын төрлүүдийн уралдаан тэмцээн болох юм.
Сэтгэгдэл (0)
Сэтгэгдэл бичигдээгүй байна