Узбекистан улсын Бухара хотод энэ сарын 8-14-ний хооронд болсон Авиценнагийн нэрэмжит Азийн бүсийн Биологийн олимпиадаас "Шинэ Үе" сургуулийн 12 дугаар ангийн сурагч Г.Мишээл мөнгөн медаль хүртлээ.
Уг олимпиадад "Шинэ Үе" сургуулийн багш Д.Чинзориг бэлтгэсэн хоёр сурагчийн хамт оролцсон бөгөөд тус сургуулийн есдүгээр ангийн сурагч У.Должинсүрэн шагналт байр эзэлжээ.
Азийн бүсийн Биологийн олимпиад анх удаа зохион байгуулагдаж байгаа бөгөөд 19 орны 100 гаруй сурагчид өрсөлдсөн байна.
Шинжлэх ухааны хичээлүүдийн чиглэлээр жил бүр Олон улс, бүс нутгийн хэмжээнд олимпиадууд зохион байгуулагддаг. Тухайлбал, Азийн физикийн олимпиад(APhO), Менделеевийн нэрэмжит химийн олимпиад(MChO) зэрэг тэмцээнүүдэд жил бүр 20-28 улсын баг оролцдог аж.
Сэтгэгдэл (0)
Сэтгэгдэл бичигдээгүй байна