“Монголын инновацын 7 хоног” өдөрлөг 2024 оны дөрөвдүгээр сарын 22-27-ний өдрүүдэд Улаанбаатар, Орхон аймагт болно.
Уламжлал болж, арав дахь жилдээ зохиогдож буй уг өдөрлөгийн зорилго нь эрдэм, мэдлэгийг эдийн засгийн эргэлтэд оруулах, үндэсний инновацын чадавхыг бэхжүүлэхэд чиглэж байгаа юм.
Өдөрлөгийн хүрээнд"International Conference on Innovation and Entrepreneurship Development" олон улсын хурал, "Төрийн өмчийн их сургуулиудын инновац, технологи" сэдэвт виртуал үзэсгэлэн, танилцуулга, залуу судлаачдын эрдэм шинжилгээний хурал, оюутны гарааны бизнесийн санаачилгыг дэмжих "Мentor day" болон "Erdem hackathon" уралдаан Улаанбаатар хотод болно.
Орхон аймагт дөрөвдүгээр сарын 26-нд "Инновацын түншлэл" үндэсний форум, инновацын бүтээлийн үзэсгэлэн, гарааны бизнесийн амжилт, түүхээс хуваалцах чөлөөт уулзалт, хүнс, хөдөө аж ахуйн технологи бүтээгчдийг хөрөнгө оруулагчтай холбох үйл ажиллагаа болох юм. Энэхүү өдөрлөгийг анх ШУТИС санаачилж байсан бөгөөд энэ удаа “Эрдэнэт” ШУТП–тай хамтран зохион байгуулж байна.
Сэтгэгдэл (0)
Сэтгэгдэл бичигдээгүй байна