УИХ-ын сонгуулийн санал хураалт болохоос 90 хоногийн дотор намыг бүртгүүлэх өргөдлийг Улсын дээд шүүх хүлээн авахгүй гэж Улс төрийн намын тухай хуульд заасан байдаг. Энэ дагуу улс төрийн нам шинээр бүртгүүлэх өргөдлийг хүлээж авах хугацаа 2024 оны 3 сарын 30-ны өдрөөр тасалбар болсон гэж Улсын дээд шүүх мэдээлсэн байна.
Монгол Улсад бүртгэлтэй 37 нам байдгаас УИХ-ын ээлжит сонгуульд 27 нам, 2 эвсэл оролцохоор мөрийн хөтөлбөрөө Үндэсний аудитын газарт дүгнэлт гаргуулахаар хүргүүлсэн. Хүлээн авсан мөрийн хөтөлбөр нь холбогдох хуулийн шаардлага хангаагүй тохиолдолд 2024 оны 4 дүгээр сарын 10-ны өдрийн дотор тухайн нам, эвсэлд мэдэгдэж, 4 дүгээр сарын 12-17-ны өдрүүдэд зөвлөмж өгч, алдаа зөрчлийг засуулан авна.
2024 оны 4 дүгээр сарын 26-ны өдөр Үндэсний аудитын газар нам, эвслүүдийн мөрийн хөтөлбөрт гаргасан дүгнэлтийг нэгтгэн Сонгуулийн ерөнхий хороонд хүргүүлэх юм.
Сэтгэгдэл (0)
Сэтгэгдэл бичигдээгүй байна