Ирландын Дублин нисэх буудлын ажилтнууд чихрийн уутанд нуусан байсан ойролцоогоор 11 фунт буюу 5 кг кокаиныг хураан авчээ. Уг хар тамхины үнэ ойролцоогоор 580 мянган ам.долларт хүрэхээр байсан байна.
Ирландын Татвар, гаалийн албаны мэдээлснээр уг ажиллагааг тус улсын Эдийн засгийн гэмт хэрэгтэй тэмцэх товчооноос удирдан явуулж буй "Operation Skein" мөрдөн шалгах ажиллагааны хүрээнд 9 дүгээр сарын 10-ны пүрэв гарагт хийжээ.
Татвар, гаалийн албаны ажилтнууд мансууруулах бодистой тэмцэх тусгай багийн туслалцаатайгаар Бразилаас ирсэн нислэгийн нэг зорчигчийн ачаа тээшийг зогсоон шалгасан байна. Шалгалтын үеэр кокаиныг чихрийн уутнуудын дотор нуусан байсныг илрүүлсэн гэж албаныхан мэдэгджээ.
Уг мөрдөн шалгах ажиллагаатай холбогдуулан 60 гаруй насны нэг эрэгтэйг баривчилж, улмаар түүнд эрүүгийн хэрэг үүсгэн яллагдагчаар татсан байна. Түүнийг 9 дүгээр сарын 11-ний баасан гарагт Дублин хотын Эрүүгийн хэргийн шүүхэд хүргэсэн байна. Үүний дараа хийсэн нэмэлт нэгжлэгүүдийн үеэр ойролцоогоор 18,600 ам.долларын бэлэн мөнгө, мөн 16,800 орчим ам.долларын үнэ бүхий хяналтад байдаг бусад мансууруулах бодисыг хураан авсан гэж албаныхан мэдээлжээ. Уг хэргийн мөрдөн шалгах ажиллагаа үргэлжилж байна.
Сэтгэгдэл (0)
Сэтгэгдэл бичигдээгүй байна