Даян аварга Баярсайханы Орхонбаяр гэр бүлтэй нь холбоотой асуудалд хүндэтгэлтэй хандахыг хүсэж, өөрийн цахим хуудастаа пост оруулжээ.
Б.Орхонбаяр "Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын 1024 бөхийн барилдаанд түрүүлж даян аварга цол хүртсэндээ баяртай байна.
Энэ хүртэл намайг дэмжиж ирсэн багш нар хамтарч ажилладаг аж ахуйн нэгжүүд, үргэлж дэмжиж байдаг Монголынхоо ахан дүүс Та бүхэнд маш их баярлалаа.
Миний гэр бүлтэй холбоотой асуудалд хүндэтгэлтэй хандахыг Та бүхнээсээ хүсэж байна. Хамааралгүй хүмүүсийн зураг эвлүүлж, илт худал гүтгэлэгийн чанартай мэдээлэл түгээж буйд гүнээ харамсаж байна.
Учир нь манай гэр бүл шинэ хүнээ хүлээн аваад удаагүй байгаа бөгөөд миний эхнэр нярай биетэй байгаа тул сэтгэл зүйг нь тайван байлгахыг зарим нөхдөөс хүсэж бас гуйж байна.
Бусдын хувийн амьдралд хүндэтгэлтэй хандахыг залуус бид хүсэж буйг эергээр хүлээн авна уу?
Намайг үргэлж дэмждэг Монголынхоо нийт ард түмэнд талархаж буйгаа дахин илэрхийлье ээ" гэсэн байна.
Сэтгэгдэл (0)
Сэтгэгдэл бичигдээгүй байна