Дуучин TUNDERZ “Дээрэлхэл дэлгэрэх ёсгүй” аяныг эхлүүлж байгаа талаараа өөрийн цахим хуудастаа бичжээ.
Тэрбээр “За нэлээд дээрээс бодож явсан аян маань одоо эхэлж байна. Урьд нь бид бас “Зөв тусгал” болон “Яараад яахав дээ” аян дээр хамтран ажиллаж байсан бол энэ удаад “Дээрэлхэл дэлгэрэх ёсгүй” гэсэн нэртэй аян эхлүүлж байна. Энэ аян нь өсвөр насныхан болоод тэдний эцэг эх рүү чиглэж байгаа юм.
Мэдээж аян хийгээд бүх юм өөрчлөгдөхгүй ч 1 ч болов хүүхэд, 1 ч болов анги өөрчлөгдөж байвал зорилго нь тэр билээ. Эцэг эх багш гээд бүгд энэ аянг дэмжээсэй гэж хүсэж байна. Хүүхэд бүр тайван сургуульдаа явах ёстой. Хэн ч хүүхдээ дээрэлхүүлээсэй гадуурхалтанд ороосой гэж хүсэхгүй. Тиймээс хамтдаа түгээцгээе.” гэсэн байна.
Цагдаагийн ерөнхий газар, Боловсролын ерөнхий газар, Нийслэлийн Засаг даргын тамгын газар, Нийслэлийн боловсролын газар хамтран зохион байгуулж буй уг аян 2024 оны дөрөвдүгээр сарын 8-наас тавдугаар сарын 8-н хүртэл үргэлжлэх аж.
Сэтгэгдэл (0)
Сэтгэгдэл бичигдээгүй байна