С.БЯМБАЦОГТ: 435000 АХМАД НАСТАНД ИРЭХ ОНООС 100-300 МЯНГАН ТӨГРӨГИЙН СУУРЬ ТЭТГЭВЭР ШИНЭЭР ОЛГОНО

УИХ-ын дарга С.Бямбацогт Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төслийн зарим онцлох зохицуулалтын талаар ийнхүү бичжээ. 

С.Бямбацогт "ШУЛЖ МӨЛЖДӨГГҮЙ

ШУДАРГА ТЭТГЭВРИЙН ТОГТОЛЦОО

Хорин жилийн өмнө багшаар ажиллаж байгаад гавьяаныхаа амралтыг авсан ахмад, хоёр жилийн өмнө тэтгэвэрт гарсан багш яг адилхан тэтгэвэр авах ёстой.

Үүнийг засахгүй өдий хүрсэнээс болж тэтгэврийн зөрүү тэнгэр газар шиг холдсон.

Тэгвэл Засгийн газраас өргөн мэдүүлсэн Шударга тэтгэврийн тогтолцооны хууль УИХ-аар 85.9 хувиар батлагдлаа.

Ингэснээр;

• 435 мянган ахмад настанд ирэх оны эхнээс 100,000-300,000 төгрөгийн суурь тэтгэвэр шинээр олгоно.
• 2033 оноос эхлэн 10 жилийн цалингийн дунджаас тэтгэвэр бодно.
• Тэтгэвэр тогтоолгох наснаас хойш ажилласан жил тутамд тэтгэврийг нь 4%-иар нэмэгдүүлж тооцно.
• Сайн дураар шимтгэлээ хувийн тэтгэврийн сангуудад төлж, ирээдүйд нэмэлт тэтгэвэр авах нөхцөл бүрдлээ.
• Цагийн ажил хийж байгаа оюутнуудыг НДШ-ээс чөлөөлнө.
• 1-5 ажилтантай ажил олгогчийн төлөх НДШ-ийг 3 хүртэлх ажилтанд 36 сараар чөлөөлнө.
• Давхар ажил гүйцэтгэдэг иргэн өөрөө сонгож, аль 1 ажлаасаа НДШ төлнө.
• Албан бус хөдөлмөр эрхлэгч шимтгэл төлж эхэлбэл 50 хувь хөнгөлнө.

ИХ АЖИЛЛАСАН НЬ ИЛҮҮ ТЭТГЭВЭР АВДАГ БОЛОХ НЬ ШУДАРГА ЁСОНД НИЙЦНЭ." гэсэн байна.