С.МАНЛАЙ, Б.ДЭЛГЭРМӨРӨН, Э.ЭРДЭНЭБИЛЭГ НАР УЛСЫН МАТЕМАТИКИЙН ОЛИМПИАДАД ТҮРҮҮЛЛЭЭ

Улсын математикийн 62 дугаар олимпиад Баянхонгор аймагт 2026 оны гуравдугаар сарын 28-наас дөрөвдүгээр сарын 2-ны өдрүүдэд амжилттай болж өндөрлөлөө. 

Улсын математикийн 5 удаагийн аварга Бямбаагийн Баяржаргалын нэрэмжит болгон зохион байгуулсан тус олимпиадад Хонгор нутгийнхан маш их анхаарал тавьж, Монгол Улсын 21 аймаг, 9 дүүргээс шалгарсан 240 шилдэг багш сурагчдыг хүндэтгэн хүлээн авч, зохион байгуулалтыг өндөр хэмжээнд хийснийг оролцогчид сайшааж байв.  

Олимпиадын үйл ажилллагаанд төр засгийн байгууллагуудаас гадна Хонгор нутгаас төрсөн математикт хайртай, сэтгэл зүрхээ зориулсан олон хүн хандив тусламж өргөсөн юм. Тухайлбал, олимпиадыг зохион байгуулагчдын нэг,  Хонгорын математик" НҮТББ-ын гүйцэтгэх захирал Ц.Дэлгэрдалайн үүсгэн байгуулсан "ОЮУН БОЛОВСРОЛЫН ЦОГ" сангаас улсын олимпиадын аварга болон медальт сурагчдыг олноор "төрүүлсэн" Монгол Улсын гавьяат багш, Нийслэлийн ерөнхий боловсролын 1 дүгээр сургуулийн багш Загдрагчаагийн Бат-Эрдэнэ, Монгол Улсын гавьяат багш, Орчлон сургуулийн багш Цогбадрахын Баяраа, Тэгш ухаан сургуулийн захирал Нямдоржийн Баянбат нарт "Уяач багш"-ийн шагналыг тусгайлан гардуулсан нь бахархалтай хийгээд цааш уламжлал болгомоор сайхан үйл явдал байв.

Улсын математикийн олимпиадын дунд ангийн ангилалд Хөвсгөл аймгийн Дэлгэрмөрөн сургуулийн сурагч Баттулгын Дэлгэрмөрөн, ахлах ангийн ангилалд Сант сургуулийн сурагч Сонорын Манлай, дундын багшийн ангилалд Эрхэт эрдэм сургуулийн багш Эрдэнэбатын Эрдэнэбилэг нар түрүүллээ. 

E ангилал /Дунд анги/

Алтан медаль: Баттулгын Дэлгэрмөрөн -Хөвсгөл аймгийн Дэлгэрмөрөн сургууль

Мөнгөн медаль        

• Нямдоржийн Залуудай – 14 дүгээр сургууль
• Азжаргалын   Гоомарал -  Орчлон олон улсын сургууль   
• Очгэрэлийн    Жавхлантөгс - 11 дүгээр сургууль    
• Ууганбаярын  Азбаяр - 1 дүгээр сургууль   

Хүрэл медаль

• Даваагийн     Долгор -Хөвсгөл аймгийн     Дэлгэрмөрөн сургууль
• Баатарын       Уранбат - 11 дүгээр сургууль
• Батбаярын     Эгшиглэн - 11 дүгээр сургууль         
• Батгэрэлийн   Жаргал - Сант сургууль         
• Өнөржаргал   Номин-Эрдэнэ -Баянхонгор аймгийн Төгс Алгоритм сургууль
• Бат-Эрдэнэний Билгүүн -11 дүгээр сургууль          
• Мөнхбаярын  Номгон - Сант сургууль        
• Анхбаярын Ану - Шинэ Монгол сургууль   
• Хангайн Тэмүгэ -Дархан-Уул аймгийн Монгол Оюу сургууль

  

F ангилал /Ахлах анги/

Алтан медаль: Сонорын Манлай - Сант сургууль   

Мөнгөн медаль

• Алтангэрэлийн Ану - 11 дүгээр сургууль                
• Болдбаатарын Төвшиндалай - 11 дүгээр сургууль
• Чингүнжавын Төрболд -1 дүгээр сургууль  
• Еруланы Нартулга -Цонжин кибер боардинг  сургууль
• Мөнхбаярын Амин-Эрдэнэ - Шинэ үе сургууль     

Хүрэл медаль

• Отгонбаярын Түвшинбаатар - Эрхэт эрдэм сургууль
• Батжаргалын Төрбат - 11 дүгээр сургууль  
• Наранбаатарын Болор - Эрдмийн хишиг сургууль
• Даваадоржийн Хүслэн - Сант сургууль       
• Мөнхжингийн Тэмүгэ - 1 дүгээр сургууль   
• Төрмөнхийн Жавхланзаяа -Баянхонгор аймгийн Төгс Алгоритм сургууль
• Баярсайханы Батзориг - 11 дүгээр сургууль
• Тамирын Билгүүнгэрэлт -Эрхэт эрдэм сургууль     
• Бэхбаярын Чингүүн - Олонлог төв сургууль           
• Чиндэгсүрэнгийн Чингүн - Сант сургууль  

  

   

Т ангилал /Дундын багш/

Алтан медаль: Эрдэнэбатын Эрдэнэбилэг - Эрхэт эрдэм   сургууль

Мөнгөн медаль        

• Раднаабазарын Доржзовд -Орхон аймгийн Эрдмийн сан сургууль       
• Пүрэвбатын Амгаланбаатар - Хөвсгөл аймгийн Эрдмийн далай сургууль

Хүрэл медаль

• Дамбадоржийн Хосбаяр – 11 дүгээр сургууль      
• Баяраагийн Мөнхтулга -  1 дүгээр сургууль            
• Чүлтэмсүрэнгийн Баянбат - Хөвсгөл аймгийн Дэлгэрмөрөн сургууль 

Улсын математикийн 62 дугаар олимпиадыг зохион байгуулсан Баянхонгор аймгийн сурагчид тус олимпиадаас хос хүрэл медаль хүртсэнийг энд бас онцолъё.  Баянхонгор аймгийн "Төгс алгоритм" сургуулийн 10 дугаар ангийн сурагч Өнөржаргалын Номин-Эрдэнэ, 12 дугаар ангийн сурагч Төрмөнхийн Жавхланзаяа нар хүрэл медаль хүртсэн бол багшийн ангилалд "Төгс алгоритм" сургуулийн захирал  Сүхбаатарын Цагаан 8 дугаар байр эзэлсэн юм.