Хүүхдийн даахийг үргээхдээ анх гар хүрч байгаа хүн, ер нь бусад гар хүрэх хүмүүс ч юуг бодож ерөөх вэ. Энэ талаар Д.Нацагдорж хамба хэрхэн сургасныг Бусдад Туслахуй Анагаах Ухааны Манба Дацан хийдийн цахим хуудсаас хуулбарлан нийтэллээ.
Бусдад Туслахуй Анагаах Ухааны Манба Дацан хийдийн Тэргүүн Хамба лам, МУ-ын Хүний гавьяат эмч Д.НАЦАГДОРЖ:
Бурхны их сайхан айлдвар байдаг л даа. “Ложой цовүр жүр жиг, Донжай тан вүр жүр жиг” гэж. Энэ бол зуун насыг насалж, зуун намрыг үзэж жаргаж явах болтугай гэсэн Бурхны сайхан айлдвар юм.
Түүнээс гадна насан туршдаа өвчин зовлонгүй, барцад саадгүй, сайн сайхан, урт насалж явахын тухайд Манла бурхан (Дадята ум вэйхазаеэ вэйхазаеэ, Маха вэйхазаеэ вэйхазаеэ, Раза самуд гадэ суха),
Цэбагмэд бурхны тарниар (Ум ама рани зиван ди еи суха) равнайлаад өлзий бусын юмтай бүү уулзаж яваарай, өдөр тутам цаг үргэлжид өлзий буян хутаг нь хурсан сайн сайхан бүхэнтэй уулзаж яваарай гээд Дашзэвэг, Найман гэгээний тарнийг уншиж,
“Го дод, даши, чардар, бав, жүржиг, ум, аа, хум, радна, брүмни, аа, даши, бар, жүржиг”,
“Дэндир, дагжаг (гээд нэрийг нь хэлж болно), намла, даши, пов”, “Даши, дэжан, дагдү, дэлэг, шог” хэмээн ерөөн уншиж, адис жинлав хүртээх нь чухал юм.
Мөн “Ригсүг, жор дан, ван чүг дан, Цэ рин, над мэд, дэжид данбар шог” гэж бий.
Энэ нь хүүхдийн удам угсаа сайжрах болтугай, улам өнгө царай зүс гэрэлтэж, хийморь лундаа нь дэлгэрч байх болтугай гэсэн ерөөл юм. Өнгө царай зүсний цаана хийморь лундаа, амин судас, дээш гүйгч хий, зүрх сэтгэлтэй холбоотой хийн олон асуудал байдаг.
Язгуур угсаа сайтай, эрүүл саруул байх, дорвилог амьдралтай байх болтугай, оюуны хүч чадал, ухааны цар, нинж асралын сэтгэлээр баялаг, бусдын тусыг бүтээгч, урт настай, өвчин зовлонгүй, цаг үргэлжид амар амгалан, хотол чуулганыг дэлгэрүүлсэн буянтан байгаарай гээд ерөөх нь тус эрдэм ихтэй.
Сэтгэгдэл (0)
Сэтгэгдэл бичигдээгүй байна