Хүний насан туршид нөлөөлдөг зүйл боловсрол байдаг учраас эцэг эхчүүд хүүхдэдээ сургууль сонгохдоо маш анхааралтай ханддаг.
Математикийн сургалтаар бага ангид толгой цохидог “Соёмбо” бага сургууль элсэлтээ зарласан байна. Тус сургууль тавдугаар анги төгсгөдөг бөгөөд суралцагчдадаа математик төдийгүй бусад хичээлийн суурийг ч сайн тавьж, чанартай боловсрол олгодгоороо алдартай.
Монгол Улс түүхэнд математикийн олон улсын олимпиад IMO-гоос 9 алтан медаль авсны 2-ыг нь “Соёмбо” сургуульд бага ангиасаа математикийн олимпиадаар бэлтгэгдсэн О.Мишээл, А.Нямдаваа нар хүртсэн байдаг.
Сургуулийн бүртгэл ганц өдөр буюу 4 дүгээр сарын 1-нд явагдах бөгөөд бүртгүүлсэн хүүхдүүд бэлтгэл бүлэгт хичээллэж, шалгалт өгч, 25 орчим хүүхдийг нэгдүгээр ангид элсүүлдэг.
Соёмбо бага сургууль цахим хуудастаа "2026-2027 оны хичээлийн жилд 1-р ангид орох хүүхдүүдийн бэлтгэл бүлгийн бүртгэл 4 сарын 1 нд 9 цагаас сургууль дээр болно. Бүртгүүлэхдээ хүүхдийн төрсний гэрчилгээний хуулбарыг авчирна. 78 хүүхэд бүртгэнэ. 86040403, 99010403" гэж нийтэлсэн байна.
Сэтгэгдэл (0)
Сэтгэгдэл бичигдээгүй байна