Гитарчин Өөжгий буюу Д.Өлзий-Орших "Татар ажилллагаа", "Миний ах атаман" кинонуудыг олон нийтийн мэдээллийн хэрэгслээр гаргасан тохиолдолд зохиосон хөгжмийг нь хасаж гаргахыг хүсэж байгаа талаараа цахим хуудастаа бичжээ.
Д.Өлзий-Орших "Заа даа.
Энэ улс эх орон хэцүүдэж байгаам байна дөө.
Энэ улстөрчдөө хар, хүүхдүүд ээ хар, өөрсдийнхөө аж амьдралыг хар.
Хүүхдүүдийн гэмт хэргийн шинжтэй харгис зэрлэг үйлдлийг хараад би бол ингэж бодов.
Энэ бол насанд хүрэгчид бидний амьдралын толины тусгал л юмдаа.
Ялангуяа урлагийнхан бид нар асар их буруутай.
Сүүлийн үеийн харгислал тамлалт, хэрүүл зодоон, шунал тачаал, эд хөрөнгийг магтан дуулсан монгол кино, дуу хуур, шүлэг зохиол хүүхдүүдэд ямар үлгэр үзүүлснийг бэлхнээ нийгмээрээ харлаа шд.
Өөрсдөө баахан тийм урлаг нэртэй хог хийчээд, хар тамхи, танхай дээрмийн хэрэгт орооцолдчоод эргүүлээд энэ муу насанд хүрээгүй хүүхдүүдээс ёс зүй, хүмүүжил нэхэх ямар нүүр бидэнд байх вэ?
Дээр нь бас хэлэхэд энэ улс Солонгосын соёлын колони болоод удаж байна.
Солонгосын соёлын довтолгоогоор тэдний хоол унд, дуу хөгжим, хувцас хунар орж ирэхийн хажуугаар хар сүүдрүүд нь ч дагаж орж ирж байна.
Ялангуяа сургуулийн бүүллидэлт бол Со кинон дээр маш их харагддаг сурагтай.
Одоо больё оо бүгдээрээ.
Гэмт хэрэг, бүүллидэлт, хараал, ёс бус хэллэг, хар тамхи сурталчилсан урлагийн бүтээл гэх нэртэй хог новшнуудыг түгээхийг хорьё.
Миний хувьд уг нь тийм хараал ширээл, ёс бус зүйл сурталчилсан урлагаас насаараа хол явж, гэгээн байлгахыг эрмэлзсэн. Гэхдээ бас надад алдаа байж.
Хүчирхийлэл, дээрэм тулаан үзүүлсэн “Татаар ажиллагаа, Миний ах атаман” гэсэн 2 киноны хөгжим бичжээ.
Тэгэхээр энэ 2 киног дахиж олон нийтийн суваг мэдээллийн хэрэгслээр гаргахгүй байх, гаргасан тохиолдолд миний зохиосон хөгжмийг хасаж гаргахыг хүсэж байна.
Урлагийнхандаа ч уриалж байна.
Ийм төрлийн юм хийхээ больцгоое.
Хийснүүд нь устгацгаая.
Урлагийн хамгийн чухал зүйл соён гэгээрүүлэх гэдгийг алхам тутамдаа санаж, насанд хүрээгүй нялх хүүхдүүд үзэж байгаа, түүнээс үлгэр дууриал авч байгаа гэдгийг бодоцгооё!" гэсэн байна.
Сэтгэгдэл (0)
Сэтгэгдэл бичигдээгүй байна