Бусдад туслахуй Анагаах ухааны Манба дацан хийдийн хамба лам, Монгол Улсын хүний гавьяат эмч, Билгүүн номч Д.Нацагдоржийн эмэгтэй хүнийг монголчууд хэрхэн дээдэлдэг талаарх асуултад ийнхүү хариулжээ.
-Удахгүй эмэгтэйчүүдийн эрхийг хамгаалах өдөр тохиох гэж байна. Монгол эрчүүд эхнэрээ хэрхэн дээдэлдэг уламжлалтай вэ?
-Ер нь бурхны шашинд эх болсон зургаан зүйлийн хамаг амьтан хэмээн хэлдэг нь зүгээр нэг үг биш юм. Бидний ээжүүд, бидний эргэн тойронд байгаа хэн нэгэн урьд олон төрлүүдэд нь бидний эх болж явсан, энэрч асарч явсан үйлийн үр байх тул бүгдийг эх хэмээн үзэх, энэрэх асрах сэтгэлийг дээдэд эрхэмлэж явах нь зохистой.
Тиймээс ээж хүн, эхнэр хүнийг хүндэлж явах нь хүмүүний дээд ёс зүй юм даа. Эхнэр хүнгүйгээр эр хүн үр удмаа үлдээж өсгөн бойжуулах боломжгүй. Тиймээс эрчүүд маань эмэгтэй хүний зөөлөн, сайхан сэтгэлийг нь улам усалж тордож, ургуулж үр цэцгийг нь дэлгэрүүлж явах нь бас нэгэн буян.
Бурхан багшийн айлдсан сударт эх хүн нэг хүмүүнийг төрүүлэн өсгөж зөв хүн болгон төлөвшүүлбэл бодьсадын суварга бүтээсний буяныг хураана хэмээн айлдсаныг бодоход л ээж, эх хүний гавьяа тэнцэшгүй их юм.
Эх сурвалж: Бусдад туслахуй Анагаах ухааны Манба дацан хийд
Сэтгэгдэл (0)
Сэтгэгдэл бичигдээгүй байна