ГАРАГУУДЫН ПАРАДЫГ ХЭРХЭН ХАРЖ БОЛОХ ВЭ?

Өнөөдөр /2026.02.28/ гарагуудын парад буюу Буд, Сугар, Санчир, Бархасбадь, Тэнгэрийн ван, Далай ван гарагууд тэнгэрт эгнэн жагсах ховор үзэгдэл болно.

Гарагуудын парад гэдэг нь сансрын хэд хэдэн объект ойролцоо шулуун дээр “жагсах” үзэгдэл юм. "Гарагуудын парад" гэдэг нь албан бус тодорхойлолт, шинжлэх ухаанд энэ үзэгдлийг гарагуудын байрлал гэж нэрлэдэг байна. Гэхдээ сүүлийн жилүүдэд НАСА-гийн бүтээлүүдэд хэвлэл мэдээллийн хэрэгсэлд байнга дурдагдах болсон гарагуудын парад гэдэг нэрийг хэрэглэх нь улам нэмэгджээ.

Одон орон судлаачид гарагуудын тооноос шалтгаалан энэ үзэгдлийг хэд хэдэн төрлөөр нэрлэдэг. Жишээ нь, гурван гарагийнхыг мини-байрлал, дөрвөн гарагийнхыг бага байрлал, тав, зургаан гарагийн тухай яригдвал их  байрлал гэж нэрлэдэг. Долоон гараг Дэлхий вантай зэрэгцэн байрлах үед агуу буюу бүрэн гүйцэд байрлал гэдэг байна.

Гурваас дөрвөн тэнгэрийн эрхсийн жагсаал байнга болдог бөгөөд олон тооны гарагийн нийлэмж нь харин ховор тохиолддог юм. Мөн гарагийн парад үзэгдэхээс гадна үзэгдэхгүй ч байх нь бий. Хэрэв тэнгэр дэх гарагуудын байрлал Нартай ойрхон байвал үл үзэгддэг байна.

Хэрвээ гарагуудын парадыг бүхэлд нь харахыг хүсвэл цаг, байрлал, стратеги чухал байдаг аж.

Өнөөдөр болох гарагуудын парадын үеэр хэрхэн харах боломжтой вэ?

-Буд, Сугар, Санчир, Бархасбадь гарагийг нар жаргасны дараа энгийн нүдээр харах боломжтой гэж мэргэжлийн хүмүүс мэдээлсэн байна.

-Харах хамгийн тохиромжтой цаг нь нар жаргаснаас хойш 20 минутын дотор байх болно гэж зарим хэвлэлд мэдээлсэн бол нэг цагийн турш харагдана гэж мэдээлсэн нь ч байна.

-Байрлалын хувьд тэнгэрийн баруун доод хэсэгт эдгээр гарагууд харагдана.

-Далай ван, Тэнгэрийн ван- эдгээр алслагдсан гаригийг харахын тулд дуран эсвэл телескоп ашиглах шаардлагатай. 

--Тэнгэр цэлмэг, саадгүй харагдах, аль болох гэрэл багатай харанхуй газрыг сонговол илүү тод үзэгдэнэ.

Гарагийн парадын үеэр зургаан гариг хаана байрлах талаар гадны хэвлэлд гарсан мэдээллийг хүргэе. 

Энгийн нүдээр харж болох гарагууд:

-Буд -тэнгэрийн баруун доод хэсэгт ойролцоогоор 10 градусын өндөрт байрлана.

-Сугар- Сугарын зүүн талд тод үзэгдэнэ.

Сатурн- Сугараас дээш, зүүн тийш ойролцоогоор 10 градусын өндөрт, түүнээс арай бүдэг үзэгдэнэ.

Бархасбадь- Баруун хэсэгт өндөрт, тод харагдана.

-Телескоп эсвэл дурангаар харагдах гарагууд

Далай ван- Санчираас баруун тийш 2 градусын зайд бүдэгхэн харагдана.

Тэнгэрийн ван- тэнгэрийн доод хэсэгт байх бөгөөд дуран эсвэл телескопын тусламжтайгаар харах боломжтой.

Дээр дурдсанчлан Буд, Сугар, Санчир гарагууд нар жаргаснаас хойш ойролцоогоор 20 минут орчим харагдана гэж зарим хэвлэлүүд мэдээлж байгаа бол зарим нь 1 цаг орчим гэж мэдээлж байна. Харин Бархасбадь харьцангуй удаан хугацаагаар харагдана гэж байгаа юм.

Гар утасны астрономийн аппликейшн ашиглаж, гарагуудын яг байрлалыг тогтоож болно гэж хэвлэлүүд мэдээлж байна.

Мэргэжилтнүүдийн анхааруулгаар хотуудаас гарах гэрэл гарагийг сонирхох хүмүүст саад болж мэдэх аж. Ажиглахын тулд илүү чөлөөтэй газрыг сонгох хэрэгтэй.

Дашрамд дурдахад од гарагийн парад олон зүйл зөгнөдөг мэт яриа дээр үеэс гардаг байжээ. Одоогоор гарагуудын жагсаал хүний биед ямар нэгэн нөлөө үзүүлдэг эсэх талаар шинжлэх ухаан тодорхой нотолсон зүйл үгүй. Гэхдээ зарим мэргэжилтнүүд энэ үед ялангуяа эмзэг хүмүүс сэтгэл санаа нь өөрчлөгдөж, бие нь мууддаг гэж анхааруулдаг байна.