Хүүхэд залуучуудын цогцолборын дарга С.Амгалан хүүхдүүдэд нь хуучин хувцас, цагаан сарын дараа хэвийн боов өгье гэж холбогддог, хандлагаа өөрчилье хэмээн өөрийн цахим хаягтаа бичжээ.
С.Амгалан "Цагаан сарын дараа "танайд хэвийн боов өгч болох уу" гэж холбогддог. Жоохон тиймхэн мэдрэмж. Танай илүүдлийг манай хүүхдүүд яагаад идэх ёстой гэж ?
Бас хүүхдүүдийнхээ хуучин хувцасыг өгье гэж их холбогддог. Уучлаарай, бид хүүхдүүддээ шинэ хувцас авч өгөх дуртай. Тиймээс боломжгүй ээ, та ойлгоорой гэсэн хариу өгдөг. Яагаад манай хүүхдүүд танай шүүгээг цэвэрлэх ёстой гэж.
Үнэхээр идэх хоолгүй, хүйтэнд өмсөх хувцасгүй нэгэнд "амьд үлдэх" тусламж хэлбэрээр өгч байгаа бол өөр хэрэг.
Та хүүхдүүдэд буян бодож үнэхээр туслахыг хүсдэг бол амьдрах орчин, боловсрол, авьяас ур чадвараа хөгжүүлэхэд нь тусалж, амьдралыг нь өөрчлөөрэй.
Хандлагаа өөрчилье. " гэжээ.
Сэтгэгдэл (0)
Сэтгэгдэл бичигдээгүй байна