ОХУ-ын Төрийн Думд Гэгээн Валентины өдрийг тэмдэглэх хэлбэрийг өөрчлөх, гэгээнтний нэрийг дурдахгүйгээр өдрийг нь хэвээр үлдээх санал дэвшүүлжээ.
Төрийн Думын Гэр бүл, эцэг эх, эх хүүхдийн асуудал хариуцсан хорооны дэд дарга Татьяна Буцкая энэ талаар өнөөдөр /2026.02.08/ мэдээлсэн байна.
Тэрбээр хоёрдугаар сарын 14-ний өдрийг өөр агуулгаар баяжуулж, хайр, гэр бүл, сайхан сэтгэлийн баяр болгон тэмдэглэх боломжтой гэжээ.
«Бид Валентины маргаантай түүхийг дурсалгүйгээр, хоёрдугаар сарын 14-нийг “хайр”, “гэр бүл”, “хүүхэд” гэдэг үгс амьдралынх нь хамгийн чухал зүйл байдаг хүмүүсийн баяр болгож чадна» хэмээн тэр ТАСС агентлагт ярьсан байна.
Мөн хайр дурлалаа илэрхийлэх, романтик бэлэг өгдөг уламжлалыг хэвээр үлдээж болно гэдгийг онцолжээ.
Баярын нэрийн боломжит хувилбарууд нь “Хайрын өдөр” эсвэл “Чихмэл тоглоомын өдөр” байж болно гэж Татьяна Буцкая хэлсэн байна.
«Зөөлөн чихмэл баавгай бэлгэнд авахад төрдөг тэр зөөлөн, дулаан мэдрэмжийг энэ баярт шингээхийг хүссэн юм» хэмээн үүнийгээ тайлбарлажээ.
Хоёрдугаар сарын 14-ний өдөр Орост түгээмэл тэмдэглэдэг болсон шалтгаан нь хайраа илчлэх өөр тодорхой өдөр байдаггүйтэй холбоотой гэж нэмж хэлсэн байна.
Буцкая мөн ОХУ-д эртнээс долдугаар сарын 8-нд Гэгээн Петр, Феврониягийн дурсгалд зориулсан Гэр бүл, хайр, үнэнч байдлын өдрийг тэмдэглэдэг бөгөөд энэ өдөр нь бат бөх гэр бүл, уламжлалт үнэт зүйлстэй холбогддог бөгөөд тус өдөр олон хос гэрлэлтээ бүртгүүлдэг гэдгийг дурджээ.
Сэтгэгдэл (0)
Сэтгэгдэл бичигдээгүй байна