Жеффри Эпштейн Дэлхийн нэр нөлөө бүхий эрхмүүд болон тэрбумтнууд, баячуудын хүрээлэлд орж, тэдэнд насанд хүрээгүй охидыг хүчээр биеийг нь үнэлүүлдэг байсан хэргийг дуулиан үргэлжилсээр, хэдэн сая нүүр бүхий хавтаст хэргийг сэтгүүлчид ухсаар, судалсаар байна.
Жеффри Эпштейний энэхүү том сүлжээний талаар Дэлхий дахинд анх дэлгэж, бусдад сануулга өгсөн хүн бол Нидерландын загвар өмсөгч Карен Мюлдер.
2001 онд Францын France 2 телевизэд ярилцлага өгөхдөө “Нэр нөлөө бүхий хүмүүс, баячууд намайг хүчиндсэн” хэмээн мэдэгдсэн бөгөөд улс төрийн томоохон албан тушаалтнууд, загварын ертөнцийн томчууд мөн тэрбумтнууд хүний наймаа, хүчингийн хэрэг үйлддэг бүтэн сүлжээнд хамрагдсан талаар хэлсэн юм. Цөөн тооны үзэгчидтэй танхимд хийсэн телевизийн тэрхүү нэвтрүүлгийг дэлгэцээр цацаагүй бөгөөд бичлэгийг нь устгажээ.
Тэр нэвтрүүлэгт оролцсоны дараагаар Карен Мюлдерийг хар тамхи хэрэглэдэг хэмээн нэр төрийг нь гутаасан байна. Гэлээ ч Victoria`s Secret-ийн сахиусан тэнгэрүүдийн нэг мөн яг тийм ярилцлага сэтгүүлд өгсөний маргааш нь шахам сэтгэцийн эмнэлэгт хүчээр хэвтүүлжээ.
Сэтгэцийн эмнэлэгт санаачлага гарган хэвтүүлсэн хүн нь Карен Мюлдерийн хүчиндсэн гэж зарласан Загвар товчооны захирал Жеральд Мари байсан байна.
Жеральд Мари нь 15 настай загвар өмсөгч охинтой секс хийхээр мөнгөөр тохироо хийсэн хэргийн тухай BBC цацаж, дуулиан тарьсан байдаг. Гэлээ ч Мари олон жилийн турш загварын ертөнцийн нэр нөлөө бүхий хүмүүсийн нэг хэвээр байсан юм.
Карен Мюлдерийн нэрийг нь ил зарласан өөр нэгэн бол Жан-Люк Брюнель байлаа. Брюнель тухайн үедээ Мюлдерийг сэтгэцийн гажигтай болсон хэмээн тоглолт хийн, нэр төрөө хамгаалж үлдсэн. Гэлээ ч хэдэн жилийн дараагаар Жеффри Эпштейний хамтрагч байсан нь илчлэгджээ.
Харин Карен Мюлдерийн хувьд загвар өмсөгчийн замнал нь сүйдсэн бөгөөд байнга сэтгэцэд нөлөөлөх эм уулгасаар байгаад сэтгэл гутралд оруулж, улмаар амиа хорлохыг ч завдаж байв.
Гэлээ ч Карен Мюлдерийн ярилцлага нь сэтгэцийн өөрчлөлтэй холбоогүй, харин үнэнийг эхэлж түмэнд хэлж, сануулах гэсэн санаа байсныг одоо л Дэлхий дахин олж мэдээд байна.
Эх сурвалж: SSS19 пэйж хуудас /албан ёсны зөвшөөрөлтэйгөөр нийтэлсэн болно/
Сэтгэгдэл (0)
Сэтгэгдэл бичигдээгүй байна