ДИДДИГ ТҮПАК ШАКУРЫН ҮХЭЛД СЭЖИГЛЭН ШАЛГАЖ ЭХЛЭВ

Шон Дидди Комбсын хэрэг дээр хэрэг нэмэгдэж магадгүй болжээ. Гэхдээ энэ хэрэг нь өмнөхөөсөө ч илүү дуулиантай.

Нью-Йоркийн дээд шүүхэд Пи Диддиг рэпер Түпак Шакурын үхэлд буруутай гэсэн гомдол ирсэн байна. Энэ гомдлыг Стив Отис гэх нэгэн бичжээ.

2012 онд Манхэттэний нэгэн зочид буудлын өрөөнд Стив Отисыг Шон Дидди хар тамхиар шахсаныхаа дараагаар хүч хэрэглэн элдэвлэсэн гэнэ. Хэрэгцээгээ хангасныхаа дараагаар “Энэ талаар ам нээхгүй байвал аминд чинь өлзийтэй шүү! Пак /Түпак Шакур/-ийг үгүй хийчихэж чадсан юм чинь чамайг юу байхав дээ” гэж хэлсэн аж.

Хоёр жилийн дараа Стив Отисыг мөн Шон Диддигийн гэх хүмүүс ам нээвэл нэгмөсөн амыг чинь хамхина гэж сүрдүүлж байжээ. “Тэд хүмүүсийг зүгээр л алга болгочихож чаддаг гэх яриа байдаг. Тиймээс хохирогчид дуугүй байсан нь дээр гэж үздэг” хэмээн Отис мэдүүлсэн гэнэ.

1996 оны есдүгээр сарын 13-нд Лас-Вегаст болсон буудалцааны үеэр Түпак Шакур амиа алдсан. Тэрхүү аллагад хамаатай этгээд болох Дуэйн Дэвис хэргийн захиалагчийг Шон Диддиг гэж хэлж байсан удаатай. 1 сая ам.доллар амласан ч гэж ярьсан байдаг. Гэвч Пи Дидди үргэлж үүнийг үгүйсгэснээр өдийг хүрсэн юм. Энэ хэрэгт сэжигтнээр татсан ч удаагүй.

Шон Дидди одоогоор хүний наймааны хэргээр шоронд хоригдож байгаа. Олон ч хэрэг нэмэгдсээр байгаа юм билээ. Хүчээр биеийг нь үнэлүүлэхээр хүн зөөвөрлөсөн хэрэгт өнгөрсөн зун буруутгасан. Мөн рекетийн хэрэгт буруутгасан. Нийтдээ 4 жил хагасын ял оноогоод байгаа юм.

Эх сурвалж: SSS19 пэйж хуудас