Хууль зүй, дотоод хэргийн сайд Б.Энхбаяр нэгэн анхаарал татсан мэдээллийг өөрийн цахим хаягтаа нийтэлжээ.
Б.Энхбаяр "Өмнөх Засгийн газрын үед байгуулсан 468 мянган фунт стерлингийн дүн бүхий төрийн зарим албан тушаалтнуудын талаар сөрөг мэдээллийг бүрэн устгуулж, цаашид адил утга агуулга бүхий мэдээллийг олон нийтэд түгээхгүй байх “Нууц эвлэрлийн гэрээ”-г хууль хяналтын байгууллагад шалгуулахаар шилжүүлэв." гээд албан бичгийг хавсаргасан байна.
Тус албан бичигт " Цагдаагийн ерөнхий газрын дарга, хошууч генерал Ж.Болд танаа
Нэмэлт материал хүргүүлэх тухай
"Гэмт хэргийн талаарх мэдээлэл шалгуулах тухай" Хууль зүй, дотоод хэргийн сайдын 2025 оны 11 дүгээр сарын 25-ны өдрийн 1/2395 тоот албан бичгээр нэр бүхий иргэн, хуулийн этгээдтэй холбогдох гэмт хэргийн шинжтэй байж болзошгүй мэдээллийг зохих журмын дагуу шалгуулахаар танайд хүргүүлсэн.
Дээрх албан бичигт дурдсан асуудлын хүрээнд ЗГХЭГ-ын Тэргүүн дэд даргаар ажиллаж байсан Б.Солонгоо болон ИБУИНХУ-ын иргэн Маурис Даффи, Ричард Боули нарын хооронд 2024 оны 11 дүгээр сарын 12-ны өдөр "Нууц эвлэрлийн гэрээ" байгуулсныг хуулбарлан үүгээр хүргүүлж байна.
Уг гэрээгээр нийгмийн сүлжээ ашиглан тогтмол түгээж байсан Монгол Улсын зарим төрийн албан тушаалтнуудад хамаарах сөрөг мэдээллийг бүрэн устгуулж, цаашид адил утга, агуулга бүхий мэдээллийг олон нийтэд түгээхгүй, хэвлэн нийтлэхгүй, хийгдсэн хэлэлцээ, гэрээний агуулга болон зөвлөх үйлчилгээ үзүүлэх явцад олж авсан бүхий л мэдээллийн нууцлалыг хадгалах үүргийг Талууд хугацаагүй хүлээж, Монголын талаас 468008.22 фунт стерлингийг дээрх гадаад улсын иргэдэд төлөхөөр тохиролцсон байна.
Иймд дээрх асуудлыг зохих журмын дагуу шалган шийдвэрлэж, хариу мэдэгдэхийг хүсье." гэжээ.
Сэтгэгдэл (0)
Сэтгэгдэл бичигдээгүй байна