БНСУ-ЫН ТӨМӨР ЗАМЫН СУРГУУЛЬД ТЭТГЭЛЭГТЭЙ СУРАЛЦАХ БОЛОМЖИЙГ ОЛГОЖ БАЙНА

Монгол Улсын Зам, тээврийн яам болон БНСУ-ын Дуньян их сургуулийн хамтын ажиллагааны хүрээнд 2026-2027 оны хичээлийн жилийн тус сургуулийн бакалаврын тэтгэлэгт хөтөлбөрт бүртгэж эхэллээ. Хоёр дахь удаагаа зарлагдаж буй уг тэтгэлэгт энэ удаад нийт 30 оюутныг сонгон шалгаруулж, суралцуулна.

БҮРТГҮҮЛЭХИЙГ ХҮСВЭЛ ЭНД ДАРНА УУ.

Тэтгэлгийн зорилго: Монгол Улсын Зам Тээврийн Яам болон БНСУ-ын Дуньян их сургууль хооронд байгуулсан санамж бичгийн хүрээнд Монгол Улсын төмөр замын салбарын хүний нөөцийг бэлдэх, 2 улсын төмөр замын технологийг боловсронгуй болгох зорилготой.

Дуньян их сургууль нь Yeongju болон Dongducheon гэх хоёр кампустай бөгөөд Cолонгоc улс дахь хамгийн анхны төмөр замын сургууль юм.

Дуньян их сургууль нь 5 салбар сургууль, 2 төв байр, 27 тэнхим, 18 харья байггууллага болон 15 эрдэм шинжилгээний судалгааны хүрээлэнтэй.

Тэтгэлгийн хамрах хүрээ

• 2026 онд ерөнхий боловсролын сургууль төгсөх төгсөгчид
• Их, дээд сургуулийн 1–2 дугаар курсын оюутнууд

Суралцах дараалал

• 2026 оны 9 дүгээр сараас БНСУ-ын Дуньян их сургуулийн хэлний бэлтгэлд хамрагдана
• Хэлний бэлтгэлээ амжилттай дүүргэсний дараа 2027 оноос бакалаврын үндсэн ангид (1-р курс) элсэн суралцана

Тэтгэлэг ба хөтөлбөрийн онцлог

• Сургалтын төлбөрийн 40–50 хувийн хөнгөлөлт
• Зам тээврийн яамны бодлогын хүрээнд төмөр замын салбарын ирээдүйн мэргэжилтэн бэлтгэх зорилготой
• Зуучлалын байгууллагагүй, сургууль болон яамны шууд хамтын ажиллагаа
• Визний найдвартай байдал өндөр, зардал харьцангуй бага

Хэлний бэлтгэлийн мэдээлэл

Хэрвээ Солонгос хэлний мэдлэггүй бол тус сургуульд  хагас жил 2025.09-2026.02 хугацаанд хэлний бэлтгэлд хамрагдах боломжтой. Хэлний бэлтгэлээ төгсөж Солонгос хэлний түвшин тогтоох шалгалт буюу TOPIK шалгалтад хамрагдаж 3 болон түүнээс дээш оноо авсан тохиолдолд тэтгэлэгт хамрагдах боломжтой.

Хэлний бэлтгэл 7 хоногийн 3-4 өдөр хичээлд хамрагдана

Сургалтын төлбөр 2.000.000 вон байх бөгөөд дотуур байр тусдаа төлбөртэй.

Хичээлийг докторын зэрэгтэй Солонгос багшийн хөтөлбөрөөр явуулах ба

Сөүлийн их сургуулийн хэлний бэлтгэлийн сурах бичиг болон суралцах орчин визний мэдээллээр бүрэн хангана.

Холбоо барих

БНСУ-ын Дуньян их сургуулийн Монгол дахь төлөөлөл - Б.Банзрагчгарав

• banzragch646@gmail.com

Дашрамд сануулахад, 2025-2026 оны хичээлийн жилд нийт 19 оюутан Дуньян их сургуульд хэлний бэлтгэлд хамрагдсан бөгөөд 17 нь сургуулийн дотоод элсэлтийн шалгалтад албан ёсоор тэнцсэн байна.

Оюутнууд зөвхөн TOPIK оноогоор бус,

• сургуулийн хэлний түвшин тогтоох шалгалт,
• мэргэжлийн суурь чадварыг үнэлэх шалгалт зэргийг амжилттай давж, 2027 оны 3 дугаар сард “Олон улсын төмөр замын дэд бүтцийн инженер” мэргэжлээр бакалаврын 1-р курст элсэн суралцах эрхээ баталгаажуулжээ.