PISA сурлагын амжилтын олон улсын үнэлгээнд хамрагдаж байгаа улс орнуудын нэг сурагчид зарцуулах дундаж санхүүжилт 6-15 насанд өсөн нэмэгдэх дүнгээр 91 мянган ам.доллар байхад манайд үүнээс 7.6 дахин бага буюу 12 мянган ам.доллар байна. Хэдийгээр нэг сурагчдад зарцуулж байгаа санхүүжилтийн хэмжээ бага боловч манай сурагчдын математик, байгалийн ухааны хичээлүүдийн амжилт дундаж болон түүнээс дээш түвшинд байгаа аж.
Хувьсах зардлынхаа аргачлалыг шинэчилж, өртгийг нэмэгдүүлснээр сурлагын амжилтаа ахиулах суурь нөхцөл бүрдэж байна гэж өнөөдөр болсон Боловсролын салбарын төсвийн шинэчлэлийн хүрээнд Нэг хүүхдийг сургах зардлын талаарх хэлэлцүүлгийн үеэр яригджээ. Боловсролын салбарт хэрэгжүүлэхээр төлөвлөсөн үндсэн зургаан шинэчлэлийн нэг нь төсөв санхүүгийн шинэчлэл бөгөөд гүйцэтгэл, үр дүнд суурилсан санхүүжилтийн тогтолцоонд бүрэн шилжээд байгаа гэнэ. Багш нарын үндсэн цалин 1,2-1,3 сая төгрөг байгаа бол нийт багш нарын 52 хувь нь 15-40 хувийн үр дүнгийн урамшуулал авч байна.
Өмнө нь нэг сурагчид оногдох хувьсах зардлыг цэцэрлэг, бага, дунд, ахлах анги гэсэн 4 түвшинд ангилж, 910 мянгаас 1 сая хорин мянган төгрөгөөр бодож олгодог байсан бол шинэ аргачлалаар анги тус бүр өөр өөр буюу 1.5-2.5 сая төгрөг болгон нэмэгдүүлсэн байна.
Цаашид боловсролын салбарын санхүүжилтийн эх үүсвэрийг нэмэгдүүлж, улсын болон орон нутгийн, гадаад зээл тусламж гэсэн гурван эх үүсвэртэй байсан бол бонд, санхүүгийн түрээсийг ч нэвтрүүлэхээр ажиллаж байгаа гэнэ.
Сэтгэгдэл (0)
Сэтгэгдэл бичигдээгүй байна