Англид нэгэн сувилагчид асран халамжилж буй өсвөр насны өвчтөнүүддээ хайхрамжгүй хандсан хэргээр 15 жилийн хорих ял оноожээ.
30 настай Эмма Синклэйрийг өвчтөнүүдтэй зүй бусаар харьцаж, санаатайгаар үл тоомсорлосон гэсэн зүйл ангиар гэм буруутай гэж үзсэн байна. Түүний хэргийг энэ даваа гарагт /2025.11.03/ Саутгемптон хотын шүүх шүүсэн аж. Шүүгч түүнийг шийтгэхдээ Синклэйрийг "жинхэнээсээ гэмшсэнгүй" гээд энэ хэргийн ноцтой байдлыг харгалзан үзсэн гэсэн байна.
2024 оны хоёрдугаар сарын 6-ны өдөр гэмт хэрэг гарах үед Синклэйр хүүхдүүдийн сувилагчаар ажиллаж байсан талаар мэдээлсэн юм. Гэхдээ уг мэдээлэлд хүүхдүүдэд чухам юу тохиолдсон талаар нарийн ширийнийг дэлгэрэнгүй мэдээлээгүй, BBC түүнийг тухайн үед хорт хавдартай хүүхдүүдийг асрах үүрэг гүйцэтгэж байсныг дурдсан байна.
Цагдаагийн ахлах мөрдөн байцаагч Ребекка Стивенс "Насанд хүрээгүй хохирогчид болон гэр бүлийнхний нь хувьд шүүхийн шийдвэр шударга байлаа. Синклэйр шоронд хоригдож, цаашид өвчтэй хүүхдүүдэд хор хөнөөл учруулахгүй болсонд би баяртай байна.” гэсэн байна.
Синклэйрийг хорьсноос гадна хохирогчидтой холбоо барихыг хориглосон юм.
Сэтгэгдэл (0)
Сэтгэгдэл бичигдээгүй байна