Багш, боловсролын салбарын ажилтнуудын цалин хөлсийг амьдралын өртөгт нийцүүлэх шаардлага хангагдахгүй хэвээр байгаа тул улс даяар өрнөсөн ажил хаялт тасралтгүй нэмэгдэж байна.
Сүүлийн байдлаар Булган аймагт ажил хаялтад нэгдсэн байгууллагуудын тоо өсөж байгаа талаар Булган аймгийн Үйлдвэрчний эвлэлийн холбооны дарга Д.Баярсайханаас мэдээлэл хүргэлээ.
Булган аймагт Ерөнхий боловсролын төвийн 3 сургууль, Политехник коллеж 1, мөн 6 сумын сургууль ажил хаялтад нэгдээд байна.
Сургуулийн өмнөх боловсролын байгууллагуудаас төвийн 3, сумдын 2 цэцэрлэгийн нийт 125 багшаас 94 нь ажил хаялтад нэгджээ. Тус аймагт ийт Ерөнхий боловсролын 9 сургууль, 5 цэцэрлэг, 1 коллеж нийтдээ 587 багш, ажилтан ажил хаялтад оролцож байна.
Эх сурвалж: Монголын Үйлдвэрчний эвлэлийн холбоо
Сэтгэгдэл (0)
Сэтгэгдэл бичигдээгүй байна