Теслагийн ТУЗ-ийн дарга Робин Денхолм хувьцаа эзэмшигчдэдээ Гүйцэтгэх захирал Илон Маскийн нөхөн олговрын 1 их наяд орчим долларын багцыг зайлшгүй батлах шаардлагатайг сануулжээ. Эс тэгвэл Маск компанийг орхиж магадгүй гэж тэр анхааруулсан талаар CNBC мэдээлсэн байна.
Денхолм хувьцаа эзэмшигчдэдээ илгээсэн захидалдаа Илонгүй бол Тесла үнэ цэнээ алдах бөгөөд бид зорьж буй зүйлдээ хүрч чадахгүй гэжээ.
Автопилот болон Optimus роботын төслийг хөгжүүлэхэд Маск ирээдүйн үйлдвэрлэлийнх нь гол түлхүүр гэдгийг тэр онцолсон байна.
Цалингийн саналыг арваннэгдүгээр сарын 5 гэхэд батлах ёстой ч шүүмжлэлд дагуулаад байгаа юм. Хувьцаа эзэмшигчдийн итгэмжлэгдсэн зөвлөх Institutional Shareholder Services компани нь “сансрын” өндөр өртөгтэй олговрын эсрэг санал өгөхийг зөвлөсөн бол Үйлдвэрчний эвлэл, ажиглагчид Маскийн улс төрийн идэвхжтэй үйл ажиллагаатай холбоотойгоор санаа зовниж буйгаа илэрхийлээд байгаа юм.
Илон Маск аравдугаар сарын 22-нд Optimus роботуудын арми байгуулах төлөвлөгөөгөө зарлаж, ирээдүйд төслийн хяналтаа алдахаас санаа зовж байгаагаа мэдэгдсэн. Тэрбээр роботууд хүмүүсийг зовлон зүдгүүрээс ангижруулж, улмаар хөдөлмөрийн зах зээлд "хувьсгал" хийнэ гэж үзэж байгаа юм.
Сэтгэгдэл (0)
Сэтгэгдэл бичигдээгүй байна