Эрдэмтэд онолын хувьд үгүйсгэсэн ч Tylenol аутизм үүсгэдэг гэдгийг нотлох болно гэж АНУ-ын Эрүүл мэнд хариуцсан нарийн бичгийн дарга Роберт Ф.Кеннеди мэдэгджээ.
Тэрээр Tylеnol-ын хэрэглээ аутизмтай холбоотойг нотлохын тулд судалгаа хийх болно гэсэн байна.
Засгийн газрын өчигдрийн /2025.10.09/ хуралдааны үеэр Эрүүл мэнд хариуцсан нарийн бичгийн дарга Роберт Ф.Кеннеди Колумбын Анагаах Ухааны Сургуулийн дэд профессор, 8 сартай жирэмсэн эмэгтэй "Трамп" гэж хэлээд, Tylenol хэрэглэж буй Tik Tok-ын бичлэгийг хүн түүн рүү илгээсэн талаар хэлээд “хүүхдээ эрсдэлд оруулж байна” гэжээ.
Ацетаминофен хамгийн их хэрэглэдэг орнууд аутизмын хамгийн өндөр түвшинд байгааг харуулсан судалгаанууд байдаг гэж мөн мэдэгдсэн байна.
“Энэ бол нотлох баримт биш. Бид нотлохын тулд судалгаа хийж байна" гэж тэр хэлээд үүнийг "үндэсний аюулгүй байдлын асуудал" гэжээ.
Ерөнхийлөгч Дональд Трамп мөн “Асар их хэмжээний нотлох баримт байгаа гэдгийг хэлье” гэсэн ч ямар нэгэн тодорхой жишээ дурдаагүй байна.
Трамп, Кеннеди нар эмэгтэйчүүд жирэмсэн үедээ ацетаминофен /парацетамол, Tylenol/ хэрэглэх нь аутизмтай хүүхэд төрөхөд хүргэдэг гэж өнгөрсөн сард ярьсан нь судлаачид, эмнэлгийн мэргэжилтнүүдийн зүгээс ор үндэсгүй зүйл гэсэн шүүмжлэл, эсэргүүцэлтэй тулгарсан юм.
Сэтгэгдэл (0)
Сэтгэгдэл бичигдээгүй байна