АНУ-ын Ерөнхийлөгч Дональд Трамп ТiкТок-ыг АНУ-ын эзэмшигчдэд шилжүүлэх гэрээний нөхцөлүүдийг тодорхойлсон захирамжид пүрэв гарагт гарын үсэг зуржээ.
Трамп, Ши Жиньпин нар TikTok-ыг АНУ-д үргэлжлүүлэн ажиллуулахыг зөвшөөрч, сошиал медиа платформыг Хятадын эзэн ByteDance-аас салгах тохиролцоонд хүрсэн гэж тэр мэдэгдсэн байна. Уг гэрээ нь хууль тогтоомжид нийцэж байгаа бөгөөд хэрвээ энэ аппликейшнийг худалдаагүй бол Америкийн хэрэглэгчдэд зориулсан программыг албадан хаах байсан гэж мөн хэлжээ.
Төлөвлөгөөний дагуу АНУ-ын хөрөнгө оруулагчид TikTok-ийн ихэнх үйл ажиллагааг хариуцаж, программын хүчирхэг зөвлөмжийн алгоритмын лицензтэй хуулбарыг хариуцна. АНУ-ын компаниуд шинэ хувилбарын 80 орчим хувийг эзэмших төлөвтэй байгаа бол ByteDance болон Хятадын хөрөнгө оруулагчид 20 хүрэхгүй хувийг эзэмшинэ. TikTok-ийн шинэ хувилбарыг кибер аюулгүй байдал, үндэсний аюулгүй байдлын мэргэжилтнүүдээс бүрдсэн долоон гишүүнтэй Удирдах зөвлөл хянах бөгөөд тэдний зургаа нь америкчууд байна гэж Цагаан ордон мэдэгдэв.
TikTok хөрөнгө оруулагчдын бүлгийг тус улсын программ хангамжийн аварга Oracle тэргүүлж, АНУ-ын TikTok-ын үйл ажиллагааг хянаж, хэрэглэгчийн өгөгдөл хадгалах үүлэн үйлчилгээгээр хангаж, програмын алгоритмыг хянах лиценз авах болно. Цагаан ордны албаны хүмүүс ByteDance болон Хятадын албаны хүмүүс АНУ-ын хэрэглэгчийн мэдээлэлд хандах эрхгүй гэж мэдэгджээ.
ТикТокыг АНУ-ын хэмжээнд 180 сая орчим хүн ашигладаг бөгөөд Трамп 2024 оны ерөнхийлөгчийн сонгуульд ялахад нь тусалсан гэж тэр үздэг.
Сэтгэгдэл (0)
Сэтгэгдэл бичигдээгүй байна