АНУ-ын Ерөнхийлөгч Дональд Трамп, Эрүүл мэнд хариуцсан нарийн бичгийн дарга Роберт Ф.Кеннеди нар өчигдөр /2025.09.22/ болсон хэвлэлийн бага хурлын үеэр фолийн хүчлийн нэмэлт болох leucovorin эмийн шахмал хэлбэрийг аутизмын эсрэг эмчилгээнд зөвшөөрнө гэж мэдэгджээ.
Leucovorin нь анх 1950-иад онд химийн эмчилгээний гаж нөлөөг эмчлэхэд хэрэглэсэн В витамины нэг хэлбэр юм. Кеннеди үүнийг "аутизмтай олон тооны хүүхдүүдэд ашиг тустай байж болох эмчилгээ" гэжээ. Вашингтон пост-д тэмдэглэснээр leucovorin-ыг ихэвчлэн В9 витамины дутагдлыг эмчлэх эсвэл бусад эмийн гаж нөлөөг арилгахад ашигладаг. Үргэлжилсэн эмнэлзүйн туршилтууд тус эмийг харилцааны бэрхшээлтэй аутизмтай хүүхдүүдэд тусалж болохыг харуулсан гэж үзэж байгаа аж. Энэ нь олон хүүхдэд тусалж чадна гэж бодож байна гэж хүүхдийн мэдрэлийн эмч Ричард Фрай ярьжээ. Гэхдээ судалгаа одоо эхний шатандаа байгаа, цаашид нарийвчлан судлах шаардлагатай гэж хэлсэн байна. Тус эмийг хэрэглэж хэрэглэж эхлээд тийм хурдан хугацаанд үр дүнг харах боломжгүй, удаан хугацаанд өөрчлөгдөнө гэжээ.
Түүнчлэн таарахгүй өвчтөнд хэрэглэвэл цочромтгой байдал үүсэхийг ч бас мэргэжилтнүүд сануулж байна. Аутизмтай хүр бүр өөр тул нийтээрээ leucovorin хэрэглэх ёстой гэвэл энэ нь буруу ойлголт болно гэж тэд хэлж байгаа юм. Уг нэмэлтийг нийтээрээ хэрэглэж болохгүй бөгөөд энэ бол эмчлэх арга биш гэж зарим эмч үзэж байгаа гэнэ.
Трамп мөн эмэгтэйчүүд жирэмсэн үедээ ацетаминофен /парацетамол, Tylenol/ хэрэглэх нь аутизмтай хүүхэд төрөхөд хүргэдэг гэж ярьсан нь олны анхаарлыг татаад байна. Судлаачид, эмнэлгийн мэргэжилтнүүд Трампын энэ мэдэгдлийг ор үндэсгүй зүйл гэж үзэж буйгаа илэрхийлж байгаа юм.
Сэтгэгдэл (0)
Сэтгэгдэл бичигдээгүй байна