АНУ-ын консерватив үзэлтэй улс төрч Чарли Киркийн амийг хөнөөсөн хэргийн сэжигтэн, 22 настай Тайлер Робинсоныг Юта мужийн прокурорууд хүнийг онц хүндрүүлэх нөхцөл байдалтай алсан, галт зэвсэг ашигласан зэрэг хэрэгт буруутгаж, хэрвээ гэм буруутай нь тогтоогдвол цаазаар авах ял төлөвлөх бодолтой байгаагаа мэдэгдэв.
Прокурор аллагыг олон нийт, тэр дундаа хүүхдүүдийн өмнө үйлдсэн нь хүндрүүлэх нөхцөл байдал болж байна гэсэн байна.
Робинсоныг улс төрийн болон ижил хүйстэн, трансжендерүүдийн эрхийг дэмждэг зэргээсээ үүдэн Чарли Киркийг хөнөөсөн гэж үзэж байгаа юм. Тайлер Робинсоны ээж нь хүүгээ хүйсээ сольж байгаа өрөөний найзтайгаа болзож эхэлсэн гэж хэлсэн талаар мэдээлж байна.
Чарли Киркийн амийг хөнөөсөн хэрэгт сэжиглэгдэж буй Тайлер Робинсон анхны шүүх хуралдаандаа цахимаар оролцсон талаар хэвлэлүүд мэдээлжээ.
Шүүгч түүнд ямар хэрэгт буруутгаж байгааг танилцуулахад 22 настай сэжигтэй залуу хайхрамжгүй, царай зүс нь муухан харагдаж байсан гэнэ. Мөн түүнийг амиа хорлох оролдлого хийхээс урьдчилан сэргийлэх тусгай хувцас өмсгөсөн байжээ.
Шүүх хуралдааны үеэр шүүгч өөрийгөө танилцуулахыг хүсэхэд л Робинсон ганцхан удаа үг хэлсэн байна. Юта мужийн дөрөвдүгээр дүүргийн шүүхийн шүүгч Тони Граф Тайлер Робинсоны хэргийг есдүгээр сарын 29-ний өглөө цахим шүүх хурлаар оруулахаар урьдчилсан байдлаар товлоод байна.
Сэтгэгдэл (0)
Сэтгэгдэл бичигдээгүй байна