Охидын ягаан өнгөтэй барби “жийп” унасан залуу баривчлагдсан хэрэг Канад улсад гарчээ.
Канадын Хатан хааны морьт цагдаагийн албанаас хэвлэлд мэдээлснээр хэрэг явдал есдүгээр сарын 5-ны өдөр орон нутгийн цагаар өглөөний 9 цагийн орчимд болсон байна.
Тоглоомон машин унаж яваа жолоочийг саатуулах нь цагдаа нар цагаа үр ашиггүй зүйлд зарцуулж байгаа мэт зарим хүнд санагдаж болох ч тухайн жолоочийг тойрч гарахаас өөр аргагүй нөхцөл байдал үүсгэж, бусдад саад учруулж байсан нь анхаарлыг татахад хүргэсэн гэж цагдаагийнхан мэдээлжээ.
Барби жийп унаж явсан Каспер Линкольн гэгч эр согтуугаар жолоо барьж байсан нь тогтоогдсон байна. Түүнийг "хориглосон үед жолоо барьсан" гэсэн үндэслэлээр баривчилжээ.
Линкольн баривчлагдахаас өмнө олон хүний авсан гэрэл зургуудад тэрбээр гэрэлтдэг том нарны шил зүүж, гол зурвасаар инээмсэглэн яваа дүрс буусан байна.
Залуу суллагдсаныхаа дараа өгсөн ярилцлагадаа найзтайгаа уулзаж Slurpee авахаар төлөвлөж байсан ч алхаж явахаас "залхуурч" хөршийнхөө хүүхдийн тоглоомон машиныг жолоодохоор шийдсэн гэжээ. Мөн өмнө нь хэзээ ч хүүхдийн жийп жолоодож байгаагүй гэж инээмсэглэн хэлсэн байна.
Линкольн өөрийгөө ямар ч хууль зөрчөөгүй гэж мэдэгдэж буй хэдий ч согтууруулах ундаа хэрэглэсэн үедээ машин жолоодсон гэсэн хэргээр буруутгасана гэнэ. Мөн тоглоомон машин жолоодож явахдаа гар дохио болон бүх зүйлийг ашиглаж байсан гэдгээ ярьсан байна.
Тэрбээр бас өөрийг нь баривчилсан цагдаагийн офицерт муу санахгүй байгааг мэдэгджээ. Мөн архи уусан үедээ жолоо барих хэрэггүй гэж захисан байна.
Сэтгэгдэл (0)
Сэтгэгдэл бичигдээгүй байна