Сэтгүүлч Ц.Эрдэнэтуяа хижээл насны согтуу эр 13 настай жаахан охиныг хоргоож байхад нь тус болж, улмаар өөрөө зодуулж, гэмтсэн ч нэг бяцхан зүрхийг хамгаалж чаджээ. Түүний өөрийн цахим хаягтаа оруулсан постыг хуулбарлан нийтлэв.
Ц.Эрдэнэтуяа " ШҮҮГЧ М.Түмэннаст: Хэрэв ХОХИРОГЧ байгаагүй бол 1 хүүхэд насаараа шархалсан зүрхтэй явж харин та энд багадаа 12 жил цаашлаад 25 жил хоригдох ял авах эсэх асуудал яригдах байлаа
Өнөөдөр би сэтгүүлчийн хувиар бус харин хохирогчийн хувиар шүүх хуралд оролцож үзлээ. Яагаад гэж үү? Товчхондоо бол өнгөрсөн 4 сард би урьдын адил мэдээ, ярилцлагаа аваад ажил руугаа буцах замдаа хижээл насны согтуу эрэгтэй 1 сурагч охиныг(13 настай) хоргоож байхыг хараад тэр охинд тус болсон юм. Охин ч согтуу эрээс салсандаа баярласан бололтой хурдхан явж би ч ажил руугаа алхсан. Гэтэл согтуу золиг чинь миний араас гүйж ирээд намайг үсдээд цохиод бүр болоогүй намайг газар унагааж өшиглөөд би бараг л амьд мишок болсон доо. Айж сандарсан ч би тусламж гуйж хашхираад азаар хүмүүс ирж тус болсон. Тэгээд л цагдаа сэргийлэх болж өргөдөл, гомдол, мэдүүлэг гээд л болох ёстой зүйлс болдгоороо болоод хэрэг шүүхэд шилжсэн дээ. Өнөөдөр шүүх хурал маань Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүх дээр болж хэрэгтэнд Эрүүгийн Хуулийн Тусгай Ангийн 11.6.1 зааснаар ял онолсон. Энэ ч яах вэ болох ёстой зүйлс хуулийн дагуу болдгоороо болсон. Гол нь шүүх хуралдааны үеэр шүүгчийн үг голд орсоон. Шүүгч яллагдагчид хандаад " Та яагаад бага насны хүүхдийг хоргоосон юм? Хэрэв муу зүйл болсон бол өнөөдөр та энд багадаа 12 жил цаашлаад 25 жилийн ялын асуудал яригдах байлаа. Харин тэр хүүхэд насаараа шархалсан зүрхтэй явах байсан. Хохирогч ганц тэр охинд ч биш, танд ч бас тус болсон байна. Хохирогч таныг хүчирхийлэгч болохоос, тэр охиныг насаараа шаналж явахаас хамгаалсан байна. Баярлахын оронд яагаад түүнд халдсан юм? гэж асуусан. Бас шүүгч хохирогчид (надад) баярлаж байна. Өнөөдөр ихэнх хүн иргэний үүргээ биелүүлэхийн оронд хөндлөнгөөс хараад л зогсох нь элбэг болсон. Гэтэл та тус болсон байна. Таны энэ үйлдэлд баярлаж байна гэж хэлсэн. Үнэнийг хэлэхэд би хувьдаа дахиж л бусдын асуудалд орохоо больё гэж бодож байсан ч ийм зүйл бодож байсандаа харамссан. Хэдийгээр би халдлагын улмаас хагас сар орчим хэвтрийн дэглэм сахиж бас бэртлийн улмаас бүтэн сар ажлын бүтээмжгүй болсон ч 1 бяцхан зүрх насаараа шархлахаас хамгаалж чаджээ. ( гостууд бас тус болсон л байсан л даа, гэхдээ надад хүүхэд л чухал байна ) Анх удаа л өөрөөрөө бахархаж байна. Дараа муу зүйл болно гэж бодохоос илүү иргэний үүргээ биелүүлэх болноо.
Эцэст нь хэцүү үед бүх зүйлсийг орхиод надад тусалсан хайрт хоёр Энгүүн Баярмаа Khulan Mary хоёртоо хэзээд бундан жүү." гэсэн байна.
Сэтгэгдэл (0)
Сэтгэгдэл бичигдээгүй байна