АНУ-ын Ерөнхийлөгч Дональд Трамп Украйны Ерөнхийлөгч Зеленский нарын уулзалт Цагаан ордонд өчигдөр /2018.08.18/ болж, хаалттай хаалганы цаана 30 минут орчим үргэлжилжээ.
Трамп Зеленский нар дараа нь Европын улсуудын удирдагчидтай уулзсан юм. Уулзалтад Европын комиссын тэргүүн Урсула фон дер Ляйен, НАТО-гийн Ерөнхий нарийн бичгийн дарга Марк Рютте, Их Британийн Ерөнхий сайд Кейр Стармер, Германы Канцлер Фридрих Мерц, Францын Ерөнхийлөгч Эммануэль Макрон, Италийн Ерөнхий сайд Жоржиа Мелони, Финляндын Ерөнхийлөгч Александр Стубб нар оролцжээ.
Уулзалтын үеэр Трамп нэг юм уу хоёр долоо хоногийн дараа Украйны мөргөлдөөнийг хэлэлцээрээр шийдвэрлэх магадлал тодорхой болно гэдгийг тэмдэглэжээ. Тэрбээр мөн Украйны мөргөлдөөнд "хэт хүнд" асуудал байхгүй гэж хэлсэн байна. Гэхдээ асуудал хэлэлцээрээр шийдэгдэхгүй байж мэдэхийг ч үгүйсгээгүй аж.
Уулзалтын үеэр Трамп энэ асуудлаар Путинтэй 40 орчим минут утсаар ярьжээ.
АНУ, Украйны Ерөнхийлөгч нар уулзалтыг үр дүнтэй болсон гэж мэдэгдсэн бөгөөд Путинтэй наймдугаар сарын сүүлээр уулзах талаар яригдаж байна.
Энхийн хэлэлцээртэй холбоотойгоор газар нутгийн асуудлуудыг ОХУ, Украйн хоорондоо тохиролцох хэрэгтэй болох юм.
Сэтгэгдэл (0)
Сэтгэгдэл бичигдээгүй байна