"Монголын багш нарын үйлдвэрчний эвлэлийн холбоо" цахим хуудаст нэгэн багш ийнхүү бичжээ.
"Нөхөртэйгөө гэр бүлээрээ энэ салбарт 16 жил ажиллалаа. Нэр төртэй ч ажиллав. Хүүхдийн гэнэн цайлган хайран дунд ямар гоё гээч. Мэргэжилдээ дурлаж, хайрлаж, тэмцэж, зүтгэж, өсөн хөгжиж, бусдын үр хүүхдийг өөрийнхөө л үр хүүхэд шиг тэтгэж, амьдралд хөл залав. Сайхан ч он жилүүд. Харин одоо юу гээч. 5 хүүхэдтэй. Сая сүүлийн хэдэн сар бага охиноо хараад ажлаасаа хэсэг амсхийв. Энэ хугацаанд их л юм толгойд бодогдлоо. Өөрийн үр хүүхдэдээ гэр орны амьдралаа даатгачихсан. Орой нь их л баатар ээж аав болж ирээд тэрийгээ ч хийгээгүй, энийгээ ч хийгээгүй ажлаас ирээд гэртээ бөөн стресс. Нөгөө үрсүүдээ бөлтөгнүүлээд л. Гэртээ байх цаг нь шөнө л хонохоо ирнэ. Хоолыг чинь олох гэж, та нарыг өмсөх зүүхтэй болгох гэж ирээд л нэхэж, нэхэмжилж уурлана. Юу гэсэн үг вэ? Тэд минь ахлах ангид ороод ч давтлага, сургалтад хамрагдах, цаг, мөнгө байхгүй, гэрээ цэвэрлэж, дүү нараа нэг нэгнээ харах бараг л арыг минь даачихсан. Гэтэл ээж, аав 2 нь өдөржин хүний хүүхэд сахиж давтлага хийнэ.
Өөрийнх хүүхдүүд өсөн хөгжих зорилгогүй, сурлагын чанар тааруу, дандаа айж ичсэн ийм л болчхож. Дандаа юмны сүүлд
Яагаад /Дандаа муу байдаг гэж загнана/
Хүүхдүүдийнхээ төлөө зүтгэж байнаа гэсэн юу болов. Харин ч эсрэгээсээ бага насыг нь бараг хүчирхийлэлд оруулчихсан. Зоримог бус, өөртөө итгэлгүй, дуу муутайхан ийм л үр хүүхэдтэй болчхож. /Сайхан хүмүүжүүлдэг айл байгаа л байх/
Миний ирээдүй энэ хэдэн үрс минь. Гэтэл би өөрөө ирээдүйг нь ийм болгоод амьдарч байна. Би айж байнаа. Зүгээр ажлаа орхиноо. Хүүхдүүдийнхээ арыг өөрөө даана. Гэртээ цаг зориулдаг ажил хийнэ. Бурхан минь бид 2т 16 жил ажлын төлөө нойр хоолгүй зүтгээд байрны зээл, цалингийн зээл, хоршоо апп юу байна зээл л байна. Өрнөөсөө айж байна. Гэхдээ одоо болъё. Хамгийн нандин үрстээ одоо л сайн ээж байя. Харин багш нарт бол багшийн цалинтай амардаг ажил хаа сайгүй монголд олдоно. Та хүүхдээ нэг хараарай.
Ухаарсан нь зол
Сайн багш, мундаг хүн баймааргүй байна.
Үрсээ тайван дуртай юманд нь явуулж, дэмждэг, хайрладаг, урамшуулдаг зорилготой л болгоё.
16 жил ажиллав. Ямартай ч нэг хүүхдээ үнэ төлбөргүй сургана. Ай даа багшийн сайхан ажил минь эцсийн хүртэл зүтгээгүйд уучлаарай" гэсэн байна.
Сэтгэгдэл (0)
Сэтгэгдэл бичигдээгүй байна