Монголын Үндэсний морьт харвааны үүсгэн байгуулагч Б.Болдбаатар хандивын данс 24 цагийн хугацаанд нээж, олсон мөнгөөрөө үнэ төлбөргүй сургалт зургадугаар сарын 20-ноос долдугаар сарын 5-ны хооронд зохион байгуулахаар болсноо өөрийн цахим хуудсаараа мэдэгджээ. Мөн хандивын аяныг өнөөдрөөр /2025.06.16/ дуусгавар болгож буйгаа зарласан байна.
Б.Болдбаатар "ҮНЭ ТӨЛБӨРГҮЙ СУРГАЛТ ЗОХИОН БАЙГУУЛНА
Морьт харвааны морьд хулгайлагдаж эцэст нь бойнд орж махлуулж үхэж, үрэгдэж дууссан эмгэнэлт үйл явдалд Монголчууд санаа тавьж Морьт харваа хэмээх өв соёл, уламжлал, спорт байдгийг олж мэдэцгээлээ.
Бидэнд тохиолдсон уй гашууг хуваалцаж, моринд хайртай олон сайхан хүмүүс хүлэг морьдоон бэлэглэх санал санаачлага эхлүүлсэнд баярлалаа.
Морь бэлэглэх боломжгүй ч арав таван төгрөг өгж сэтгэлээ тайтгаруулах гэсэн сайхан сэтгэлт Монгол ахан дүүсийнхээ хүсэлт шаардлагыг хүлээн авж Алтанхуяг багш бид хоёр өчигдөр 24 цагийн хугацаанд Хандивын аян өөр өөрийн дансанд нээлээ…
Хандивын хугацаанд миний дансанд 3 сая гаруй төгрөг цугларсан байна.
Энэхүү төсөв мөнгөөр 6 сарын 20-ноос 7 сарын 5-ныг хүртэл Намнаа академи болон Талын Дайчид клуб хамтарж үнэ төлбөргүй Морьт харвааны сургалтыг 14 хоногийн хугацаанд зохион байгуулна.
Хүн бүрт нээлттэй тул сонирхсон бүхэн зорин ирэх боломжтой. Та бүхнийгээ урьж байна…
Сургалт Жаргалантын аманд зохион байгуулагдана. Анхан шатны сургалт 2 цаг үргэлжилнэ.
ХАНДИВЫН АЯН ХӨДӨЛГӨӨНИЙГ БИДНИЙ ЗҮГЭЭС ӨНӨӨДРӨӨР ХААЖ ДУУСГАВАР БОЛГОЖ БАЙГААГАА АЛБАН ЁСООР ЗАРЛАЖ БАЙНА
Морьдоон алдсан эмгэнэлт өдрөөс хойш 3 өдөр үргэлжилсэн хандивын хүрээнд
Миний дансанд 3 сая гаруй төгрөг цугларч
Нийт 12 тооны морьд цугларлаа.
Бид 8 сарын дундуур 17 дахь удаагийн Дэлхийн Аварга Шалгаруулах Морьт харвааны тэмцээнээ зохион байгуулж дуусгаад 9 сарын эхээр хандивлагч нартаа зориулсан өдөрлөг зохион байгуулж, бидэнд хандив илгээсэн бүх хүмүүсдээ Н. Алтанхуяг багшийн МОНГОЛ ХАРВАА НАМНАА номыг бэлэглэх болно.
9 сарын дундаас Намнаа академи болон Талын дайчид клуб хамтран Монгол улсын 21 аймагт хүрэлцэн очиж сургалт явуулж, нум, сум, хоромсого, саадаг бэлэглэх болно.
Энэ бүхэнд та нарын минь сэтгэл шингээн илгээсэн мөнгө, төгрөг зарцуулагдах юм шүү.
Хаяг; Буянт ухаа нисэх онгоцны буудлын чанх урд Алдар толгойн өвөрт
Холбогдох утас; 99887922, 88085401
САЙН ҮЙЛС БҮХЭН ДЭЛГЭРЭХ БОЛТУГАЙ" гэжээ.
Сэтгэгдэл (0)
Сэтгэгдэл бичигдээгүй байна