Дуучин Б.Баярцэцэг "Ододтой бүжиглэе" шоуг бэртлийн улмаас орхихоор болсон талаараа өөрийн цахим хуудастаа бичжээ.
Б.Баярцэцэг "Сайхан амарч байна уу? Би жаахан таагүй мэдээтэй.
Бүжгийн бэлтгэл дээрээ бэртэл авсаан. Рентген оношлогоогоор баруун талын 10-р хавирга арын бүслүүр дээрээ хөндлөн хугаралттай гарчээ. Нэлээн хурц өвдөлттэй, мөн 1 сар хөдөлгөөн хориглох эмчийн заалттай болохоор шоугаа ингээд өндөрлөхөөс аргаггүйд хүрлээ. Миний хувьд хамгийн их хүсэн хүлээж байсан шоу, бас хамгийн гоё бүжгүүд маань үлдсэн байсныг хэлэх үү үнэхээр харамсалтай байна. Бараг 2сарын турш “Ори студио” доо гайхамшигтай хамт олон, найз нөхдийн хүрээлэлд амттай хоол, тав тухтай өрөө, найрсаг харилцаа, хүндлэл дунд амьдарсан шүү.
Би МонголHD телевизийн хамт олондоо, эрхэм үзэгчид, мөн Ори бид 2т итгэж, дэмжиж байсан олон олон хүмүүстээ халуун талархал илэрхийлье.
Надад маш шуурхай арга хэмжээ авсан Практикал даатгалын хамт олон болон анхаарал халамж тавьсаар байгаа шоуны бусад ивээн тэтгэгч нартаа баярлалаа. Бүх оролцогч одууддаа тэдний хамтрагч бүжигчиддээ амжилт хүсье. Хайртай шүү та нартаа_
Төгсгөлд нь:
Үргэлж урам зориг өгч, намайг хурцалж, бүжиг болгон дээр шинэ мэдрэмж өгч байсан эрхэм хамтрагч “Ори”доо баярлалаа. Чи минь спорт бүжгийн хамгийн тод од нь байгаарай.
Одоо хурдан эдгээд “Ододтой бүжиглэе” шоунаасаа авсан бүх сайхан мэдрэмж, дурсамжаа шингээсэн уран бүтээл хийе гэж бодоод л байж байна." гэжээ.
Сэтгэгдэл (0)
Сэтгэгдэл бичигдээгүй байна