Шог зураач, МУСГЗ Самандарийн Цогтбаяр Аравдугаар богдын талаар өөрийн цахим хуудастаа ийнхүү бичжээ.
С.Цогтбаяр "Үзэл бодол, хандлага дадал дээр зөрөлдөх маргалдах юм бидэнд зөндөө бий. Олон ургальч үзлийн онцлог гол чанар нь угаасаа л тэр. Харин 10-р Богд Монголоос тодорч буй дээр хэн хүнгүй хичээж ойлгож нэгдмэл нэг санаатай байвал нэн сайнсан. Бусдын оролцоо хамааралгүйгээр шашин соёлоороо нэгдэж нягтрах дээр хамгийн их үүрэг нөлөөтэй Оюун санааны удирдагч, чухал дүр юм шүү дээ таминь. Төвд болоод Хятадаас биш Монголоос тодорч буй нь л бидэнд хангалттай ховор чухаг зол завшаан хэмээн санана. Алсдаа Бурхны Шашны нэг том төв тэнхлэг нь Монгол улс болох хувь төөрөг нь энэ байх учиртай. Улс орны дэгжин дээшлэх хувь заяа, нэгдэл нягтралын талд зөв эргүүлэг рүүгээ эргэх эргэлтийн цэг эндээс эхлэх зураг тавилан байгаасай хэмээн хичээн итгэж сүслэн хамтдаа залбирч ерөөл одуулья.
НАРАН ГЭРЭЛТ, ТҮМЭН НАСТ ОРОЙН ДЭЭД ОЧИРДАР БОГД ГЭГЭЭНИЙ МЭЛМИЙ ТУНГАЛАГ ӨЛМИЙ БАТ ОРШИГ." гэсэн байна.
Сэтгэгдэл (4)